[رفّات حُلم]

نحنا دفعة 14 ما كان فيه أي شي لنا الا السلايدات

اقولك حاجة؟ روحي ل د/ حنان الشاذلي.. واسأليها المذاكرة من السلايدات او لا.

افتكر هيا كانت تدرسني وكنت لما اجي لها فيه بنات من شعب تانية يجوها تاشر لهم الرسمات

بس أسلوب لطيف وتساعدك ()

عمومًا:

من السلايدات كذا ذاكري:

كل محاضرة تاخذيها ارجعي اقرايها بتركيز تام.

انا ما احفظ بسرعة وكنت اراكم :/

وكمان امل من الحفظ

لكن قبل الاختبارات بـ 2-3 كنت اعمل انتفاضة مذاكرة

وكمان كل المواد كنت اراكم بس ما اخرج من المحاضرة الا وانا فاهمة كل اللي انقال.

فكنت في دي الـ 2-3 أذاكر أحياء بس أكون مقسمته لأجزاء وممكن لو الشابتر طويل أقسمه على يومين أو 3 أيام

وعشان اغير الجو الممل من الحفظ فكنت اروح ازاكر كيمياء او إحصاء واحل مسائل، ع الأقل تغيير جو ليا.

اول شي اقرأ السلايد عشان تسترجعي اللي قرأتيه.. بعدها ارججعي شوفي الكلمات الصعبة وترجميها.

الكلمات الصعبة ممكن تسهليها لنفسك بتشبيهها بحاجة، تسمعيها، شكل الكلمة.

وبعدها ابدأي بالحفظ، كرري الكلام وبطريقتك احفظي.

كمان فيه جزيئات الرسمات حتسهلها عليكِ مرة.. اربطي المعلومة بالرسمة..

طبقي المعلومة على الرسمة، تثبت كدا

وترا اللغة مو عائق، في كل مادة حتعتمدي على كلمات معينة بس :)

موفقة