رد: كيف بتكون السنة التحضيرية سهله؟؟مشاكلي بأول الايام!
سهله ان شاء الله
انا شخصيا اختبرت طلعلي ليفل 4 ودرسته وجبت 95 (ماذاكرت غير الكتاب) ومع ذلك ما اعرف اكون جملة صحيحة باللغة انلاجليزية يعني مو مقياس الاختبار لمستواك الحقيقي
والحمدلله انقبلت في كلية الطب و كانت سنتي التحضيرية من افضل السنوات واخفها واختباراتها كانت دائما بسيطة وسهله واسئلتها من السنوات الماضية اغلبها فانا كنت اتدرب ع نماذج لكل مادة
هنا نصائحي من تجاربي الشخصية كتبتها في المنتدى من قبل وانت شوف الي يناسبك
" الاحصاء مهم الكتاب الكبير الضخم والي مارح تاخذوا منه الا نتفه بسيطة
اشتري الكتاب او حمل نسخة الكترونية
انا شخصيا كان عندي الكتاب وبرضو نسخة الكترونية احدث من كتابي فكنت اشوف مافي فرق بينهم تقريبا الا بالارقام وبعض الصفحات مو فرق كبير
ممكن تشتري الكتاب الطبعة السابعة او الثامنة من مكاتب للكتب المستعملة ارخص واحسن الا لو كنت ناوي تتخصص احصاء بيفيدك!!
المهم مع كل شرح يقوله الاستاذذ بيقول كلمات حددها في الكتاب وذاكرها كويس في اشياء نظرية لازم تفهمها وتحفظها بالنص من الكتاب
لان تجي اسئلة نظرية بس كوبي بيست من الي بتحفظه مافي لف ودوران في النظري
اما بالنسبة لاهمية الكتاب انك بتتدرب ع امثلة محلولة و اخر كل شابتر بتلاقي اسئله لازم تحل بعضها
صراحة هي تجي اصعب من الي يجي في الاختبار ف لاتخاف حلها و روح لاستاذك لو صادفت سؤال ماعرفت تحله
مهم مهم مهم في الاحصاء ما تعتمد ع نفسك !! ايوه لازم استاذ كويس و كمان لازم توريه حلولك وتسأله عن الاشياء الي تصعب عليك عشان ما تغلط فيها وانت تحسب انك حليتها صح!!
الاحصاء مع الفهم والحفظ والتدرب ع نماذج قديمة اقدر اضمن لك 100 زيي باذن الله
*ممكن تفتح في اليوتيوب بالانجليزي في دروس بالهبل بالاحصاء راح تسهلك بعض الاشياء اذا استصعبتها وماعندك وقت تسأل الاستاذ*
الكيمياء كله من الثانوي شوي كثيف بس بسيط ممكن تعتمد برضو ع اليوتيوب في دروس بالانجليزي مبسطة وممتعة وتسهل الاستيعاب
انا كنت استخدم اليوتيوب + سلايدات ليلى الحربي + تست بانك ليلى الحربي = 100 الحمدلله فخليك ملتزم بهذا الشيء وان شاء الله بتجيب 100 برضو *المهم تحل كل التست بانك لانه يدربك ع اسئلة الاختبار بشكل كبير* والاولاد زينا في المنهج فعادي لو تستخدم سلايدات ليلى وتحل التست بانك المهم انك تكون فاهم ومطمن ومتهيئ كفاية عشان تخش الاختبار بثقة وتحل
الاحياء انا شخصيا ما كنت احب احفظ كثير!! كنت اربط اول 3 حروف بشيء معين مثلا (جماد انسان حيوان) اي شيء وابدأ احفظ رؤوس الاقلام
لكن في اشياء راح تضطر انك تحفظها غصب فهنا انت مضطر انك تمسك الاحياء قبل الاختبار باسبوع ع الاقل وتذاكر يوميا تمسك جزئية بسيطة او شابتر ع الاقل!
قبل الاختبار بيومين تبدأ تراجع ولا تخاف وتقول حاس اني نسيت او شيء ترا اختبارات الاحياء تجي بالضبط من السلايدات كوبي بيست وتجي واضحة وسهله جدا ومافيها لف ودوارن ابدا
......
الانجليزي اتحمل واصبر على طولة الدوام وكله عشان تتخصص برغبتك الاولى باذن الله
فمصادر الانجليزي هي الكتاب والكتاب والكتاب نفسسسه لا تفكر بملخصات وزحمة
معهد اللغة الانجليزية بموقعهم ينزلوا ورقتين تقريبا لكل شابتر وفيها اهم الكلمات (لازم تحفظ معانيها تراها قليلة مره) يجي منها نصا بالاختبار
وبس ممكن لو استصعب قرامر معين افتح يوتيوب ياما في دروس تبسط وتسهل بلا خصوصي وبلا زحمة ملخصات وقلق
جرب نصائحي وشوف نتيجتك في اول اختبار دوري من كل مادة باذن الله بتكون a+
...
اخيرا لا تصدق الي يقول التحضيري تحتاج لغة
ابدا ما تحتاج اختباراتها سهله وتافهه للي يذاكر ويغطي اغلب الافكار ويطلع ع كذا مصدر
في ناس ماتفهم حاجة بالانجلش بس شغل حفظ ومع ذلك عدوا واتخصصوا هندسة وطب وو و
فاطمن من هذي الناحية وشد حيلك
الله يوفقك واسفه طولت عليك =)
|