رد: كيف بتكون السنة التحضيرية سهله؟؟مشاكلي بأول الايام!
اخوي انا كنت زيك لفل 1 وكنت برضو خطة ب
الاحصاء تزاكرو من ملخص اشرف بركات في شارع السبعين
مكتبة النجوم وكمان ما تحتاج خصوصي بس لازم الملخص
والكيمياء بيني وبينك لازم خصوصي الا اذا انت تبا تعتمد على
نفسك! دا شي كويس في ناس كتيرين بس اخدو الملخص الكيماء
وجابو درجات احسن مني هههههههههه وانا بخصوصي اذا تبى
خصوصي روح عند السيد واذا ما تبي خص ملخصات السيد من
مكتبة 2000 جنب الجامعة وباقيلك الاحياء انا ذاكرت من
السلايدات وتررى صعععبة انا عارف الشعور ما تفهم شي
بس السنة اللفاتت يقولو جا خصوصي احياء ينزل ملازم
والله ناسي اسمو برضو من مكتبة 2000 قولو ابغا ملازم احياء
في ناس بس يذاكرو منها ويجيبو درجات كويسة بس مدري دا الترم كيف
والانجليزي عاد من الكتاب مررة سهل كل المستويات سهلة انا ما نزلت عن
a في الانجليزي فلازم تجمع درجات من خلالو وبس بالتوفيق تبي شي تاني قولي
وفي النهاية ترى التحضيري سنة حلوة ومزة هههههههه شد حيلك وجمع درجات لانو لمن تتخصص كلو
سلخ ههههههههههههههه بالتوفيق
|