[Somaiah Yousef]

وعليكم السلام

نظام السنة التحضيرية أنا اشوفه اسهل من الثانوي بكثير

أول شي الرياضيات ..

طريقتك في المذاكرة تعتمد بشكل كبير على مستواك في كل مادة

لو إنت تستوعب الرياضيات بسرعة وتلقطه .. ماراح تحتاج أكثر من وورك شوب أبو جبل

لكن لو عندك مشكلة في هذي المادة .. أنصحك تشتري الكتاب أو ملخصات وتتدرب كثير حتى تمرن عقلك ويدك على الحل

الدروس سهلة جدا في التحضيري .. الدوال والاشتقاق والنهايات يعني كلها درسناها في الثانوي وتنعاد عليك بشكل موسع شوية



بالنسبة للفيزيآء

هذي المادة تعتمد على المنسق لو كان طيب واسئلته خفيفة مآراح تتعب فيها .. الله يعطيه العافية منسق السنة الماضية كان جدا متعاون واسئلته موية " محمد الفرحة "

هذي المادة أمسك فيها الملخصات + أسئلة السنوات السابقة

عندك أشرف بركات ممتازة + لو فيه سلايدات للمادة أو تست بانك


مهارات الاتصال

مطلوب مننا 6 تكاليف وعليها 30 درجة .. يمكن عند الاولاد تكون التكاليف اقل

* عرض بوربوينت إما فردي أو قروبات " 5 درجات

* سيرة ذاتية " 5 درجات

* خطاب تقديم على وظيفة مثلا " 5 درجات

* بريد إلكتروني " 5 درجات

* إختبار ريدينق قطعة وعليها أسئلة وسهلة جدا " 5 درجات

* اختبار لسننق مقطع وعليه أسئلة سهل برضو " 5 درجات

يعني 30 درجة عندك في جيبك :) والاختبار النصفي والنهائي سهل

طريقة المذاكرة قراءة بتركيز مرتين أو ثلاث مرات .. وتنتبه للعنوان الرئيسي والتعداد اللي تحته


الحاسب الآلي

معلومات سابقة .. طريقة المذاكرة قراءة سريعة وركز على المعلومات اللي تحسها جديدة عليك

الاختبار غالبا يعتمد على الاجزاء العملية


الرياضيات والفيزياء يحتاجوا مذاكرة أول بأول

الحاسب والاتصال ممكن تذاكرهم ليلة الاختبار لو إنت مهوي زيي .. أو قبله بيومين بالكثير