[يآآرب]

المشاركة الأصلية كتبت بواسطة أُنـثــے مـــلآئـكيـة راح تبدا الدراسة و تجرب كل شيء حتى تلاقي المصدر الي يناسبك ميزة التحضيري ان من كل المصادر تقدر تذاكر لكن بالنسبة لي لاني جربت ومريت على كثير ف أبري ذمتي و اقولك نفس المصادر الي ذاكرت منها والحمدلله مانقصت في ولا مادة علمية ! اذا انت خطة ب الاحياء من سلايدات مو لازم تطبعها وتكلف ع نفسك بعدين روح مكاتب جمب الجامعة منها اعتقد سليمانية 2000 و تلاقي سلايدات على شكل ملازم اشتريها وذاكرها ولا تدور غيرها اسئلة الاحياء سهله ومباشرة وتجي كوبي بيست من الكلام المكتوب بالسلايد يعني ذاكر كويس قبل الاختبار باسبوع اقل شيء كيمياء من سلايدات ما تحتاج كتاب اغلبها من الثانوي لكن بما اننا نفس المنهج الاولاد والبنات فانصحك تنزل سلايدات ليلى الحربي وتذاكرها و على طريقك بتلاقي في موقع ليلى الحربي تيست بانك مهم مهم تتدرب عليه واذا حليت تست بانك لكل شابتر تقدر تضمن انك بتخلص الاختبار في اقل من ثلث ساعة وماتوقف عند اي سؤال كمان! احصاء نظامكم زي ماعرفت انه سلايدات لكني ما افضلها فانصحك تروح مكاتب الكتب المستعملة وتشتري كتاب احصاء للسنة التحضيرية اي طبعة السابعة او الثامنة مافي فرق كبير بينهم وتذاكر منه راح يكون كتاب ضخم بس ثلاث ارباعه محذوف فعشان كذا مو لازم انك تشتري كتاب جديد وممكن انك تحمل الكتاب من النت اخر كل شابتر في اسئلة مو كلها داخلة معاكم عشان كذا ضروري انك تتابع من سيلابوس الي بموقع دعاء بوقري وتشوف الاسئلة المحددة الي لازم تحلها قبل كل اختبار بيومين على الاقل افتح موقع دعاء بوقري و نزل منها اسئلة محلولة هي تحطها لكل شابتر مرة بسيطة لكن مفيدة وتدربك كويس للاختبار وكمان نزل من موقع استاذك نموذج اختبارات و حله قبل كل اختبار ^ بتلاقي مليون شخص ينصحك خاصة بخصوص الاحصاء لانها مادة استصعبوها كثير مع انها اتفه مما تتخيل اذا ذاكرت من المصادر المذكورة وكمان لو حظك حلو مع استاذ يعرف يشرحها كويس اخيرا ممكن تتابع في اليوتيوب في دروس بالملايين بالاحصاء وكمان كيمياء واحياء! ايوه حتى الاحياء اذا حسيت جزئية تحتاج فهم مو مشكلة افتح يوتيوب وتلاقي شروحات مبسطة وممتعة!! موفق ان شاء الله

الله يسسعدك يا أنثى ملائكية جدا تبسطي لينا السنة التحضيرية مع انه كثيير يستصعبوها وينصحو بخصوصيات