بنات بليز افيدووني ... انا من جد ضايعه
تخصصي عربي بالفيصليه , درست سنه بالتخصص وقدمت على تحويل للتصميم الداخلي بالرحاب نهاية الترم اللي فات , قالولي انتظري بداية السنه الجديده
واذا ماتحولتي راجعينا , ولا تحولت وراجعتهم اليوم قالولي الكليه مو راضيه تقبل احد هالترم .. قفلوا المعدلات على 3.75 ومايبغوا ادبي ومدري ايش !!!
قالولي روحي للرحاب نفسهم واسألي اذا قبلوك يصير اوك , ورحت ضربت مشوار وسألت وقالولي احنا مانقبل احد , تجينا الاسماء جاهزه من العماده ارجعيلهم
ورجعتلهم ..وقالولي خلاص مابيدنا شي ,مانقدر نحولك هالترم مستحيل ,اصلا كل اللي قدموا ما تحولوا ,في قسم رسم وفنون لو تبغي
واخترت الرسم والفنون ,بس جلست تنصحني الاستاذه وتقولي صعب ومكلف وكل اللي حولوا رجعولي يشتكوا منه ومدري ايش ..انتبهي <<خوفتني منه ..وانا اصلا مانفسي فيه
نفسي بالتصميم الداخلي ,وبنفس الوقت ما ابغا اكمل بالعربي ,,لان معدلي نزل بشكل سيء هالسنه بسبب العربي ما احبه وافهمه
.. تنصحوني اكمل بالرسم والا كيف ؟
هو من جد مكلف ؟ كم ممكن ادفع تقريبا بالشهر ؟
او اني اعتذر واقدم الترم الجاي من جديد يمكن يكون في امل؟؟؟
|
ششوفي ما ابغى احطمك .. بس خلني احطك امام الامر الواقع ..
اتوقع قبولك في التصميم هالسنه مو اكيد .. انتي كم معدلك ؟؟؟؟
لانه وقت ما جيت جات وحده ادبي لكنها مستجدة .. و ما رضيولها في التصميم الداخلي عشان معدلها اقل مو عشانها ادبي
لانه اعطت كل وحده فينا اول ما جينا قائمة وحده ادبي و حده علمي تدوري اسمك فيها ..
فلما شاافت معدل البنت قالت لها معليش .نحطك رسم و فنون ما اقدر تصميم داخلي المعدل ما يسمح
انا قالت لي نسبتك اعلى من المطلوبه بتكه .. انا معدلي 3.76 .، و الحمدلله انقبلت
بس قالولها ادخلي الرسم وبعدين حولي
و بالنسبة انه مكلف و كذا .. انا اشووف انه الكلية ذي بجميع اقسامها طلباتها كثير
و بالمنطق .. التصميم الداخلي اكيد هو اكثر واحد فيهم لانه ديكور و اثاث فعفشه احجامها كبيرة
و ازيدك انه قابلت وحده هناك تدرس لها سنتين في التصميم .. قالت لااااا الرسم والفنون اهوون من ناحية الطلبات
مو زي التصميم الداخلي .. احنا نخرج من المكتبة ب3000 ممكن
اتمنى اكون افدتك .. و لا تنسي الاسستخارة واللي ربي كاتبه لك بيصير و اذا هو خير لك صدقيني حتاخديه
ادخلي رسم اذا حاسة انه ممكن تمشي فيه و ترفعي معدلك ,, صح بتتعبي سنة
لكن هالسنه هي هي ضايعه سواء جلستي بالبيت او دخلتي تخصص ما تبغيه .. فادخليه كفرصة لرفع المعدل و كمان وجودك في الكلية يعرفك عليها اكثر
وعلى التصميم الداخلي اكثر من شوفتك للاعمال و الزميلات في هالقسسم
نصيحة روحي اقري الخطة الدراسية للرسم و الفنون
تشوفي المواد الي يدرسوها .. تبني فكرة في عقلك اذا حتتمكني منها او لا و هكذا .. بس هو اهم شي لا تحكمي على طول
و ربي يوفقك ..