الله يوفقك يارب
هذي بعض نصائحي كتبتها في مشاركة سابقة
"و الله التحضيري ما تحتاج خصوصيين ولا حاجة
انا شخصيا ما كنت اعتمد في مذاكرتي ع شرح الاستاذات دائما!!
افتح اليوتيوب بتلاقي دروس بالملايين في اي مادة عندك نقاط ضعف فيها!!
الفيزياء اذا اكتفيت بفيديوهات يوسف زويل ونماذج اختبارات محلولة لهناء فرحان خلاص انت a+ حتى لو ماتفهم ع استاذك كلمة
الماث ممكن من اليوتيوب تشوف دروس بالانجليزي او ممكن تحضر في وقت فراغك عند بروف ابو جبل يمدحوه و كمان اذا حليت الوورك شوب حقه لكل شابتر انت a+ !
كيمياء كلها من الثانوي لو استصعبت شيء برضو في دروس بالهبل في اليوتيوب + حل التست بانك ليلى الحربي وتدرب يدك و خلاص انت a+
احصاء قد ما تتدرب قد ما تجيب درجات, اذا استاذك ما يفهم روح احضر عند استاذ غيره ولا تضيع وقت ولا فلوس عند خصوصي, وكمان حل تمارين واحسن شيء لو من الكتاب
ماله داعي تشتري الكتاب كفايه نسخة الكترونية و بعد كل شابتر تحل الاسئله الي داخله معاكم في السيلبوس , (( الاولاد زينا في هذا الشيء )) يعني ممكن تدخل موقع استاذه دعاء بوقري
و تنزل من هناك السيلبوس فيه كل ارقام الاسئله الي مطلوب حلها (عشانك وعشان تتمكن من المادة) وكمان قبل كل اختبار لازم تفتح موقعها ترى هي تنزل اسئله محلولة كويس تتدرب اذا تبغى!
احياء احفظ و اربط المعلومات ببعض و بس قد ما تحفظ قد ما تجيب درجة وغالبا الاختبارات سهله
...
مختصر التحضيري تافه جدا للي يعتمد على نفسه ويذاكر و ينوع مصادر المذاكرة عشان يغطي اغلب افكار الاختبار
اغلب الافكار من نماذج السنوات السابقة يعني اذا اتدربت انت خلاص في safe side
اذا حلمك طب او هندسة و عملت بنصيحتي بإذن الله السنة الجاية بتبشرنا بقبولك
كل التوفيق "
....
التزم فيها و التزم بهدفك و حلمك وراح يتحقق بإذن الله
فيديو تحفيزي
حلمك مو سهل لكنه ممكن! اتخيل نفسك بعد سنة لما ينتهي كل شيء وما يكون في وقت للتراجع والندم! عشان كذا اتعب اليوم ترتاح بعدين ويتحقق حلمك