[عهود العصيمي]

-

السلام عليكم ورحمة الله وبركاته .
أسعد الله أوقاتكم بكل خير ..

من زمان كان نفسي أنزل هالموضوع وخاصة بعد أختبارات الترم السابق .
لكن تركته للوقت ذا عشان الكل ينتبه له .

مادة النظريات الأجتماعيه والكل عارفها ومايخفى عليكم أنها سببت رعب ل أغلب طالبات القسم وأنا من بينهم
أنا ماخفت من المادة قد خوفي من [ كلام الطالبات عنها ]
الكل كان يقول صعبه ونحملها أكثر من مره وكل ما اسأل بنت عن ذا الماده تقول لي [ أنا حاملتها قبل ]
وبرضو وحده من الأستاذات بالسنترا ما أنسى كلمتها قالت [ انتو خايفين من المناهج ؟؟ ماشفتوا النظريات لسى ]
هذا الشيء سبب لي خوف فضيع من أني أحمل الماده .

شديت حيلي وأربكت صاحباتي وأهلي والكل كان شفقان علي وشايل همي .
أنا كنت أشوف الماده سهله ومعلومات أقدر بأذن الله أذاكرها لكن كل ما أبدأ اشد حيلي أتذكر كلام اللي قبلي ويقل حماسي ..

الحاصل أني حضرت المحاضرات مع الأستاذه حياة الله يجزاها خير وذاكرت ..
واليوم اللي قبل الأختبار مانمت من الخوف ..

وجاء اليوم المنتظر ودخلت الأختبار
وسلمونا الأوراق [ كثرة الأوراق زادتني خوف فوق ما أنا خايفه ]
توكلت على الله وفتحت الأوراق ..

الصصصصدمه !!!!

كان أسهل أختبار اشوفه اسئله سسسسهله جداً جداً وواضحه مافيها أي غموض أو لخبطه
80 سؤال ممتعه جداً .. طلعت من الأختبار ومليون سؤال في راسي
ذي المادة اللي قالوا صعبه ؟
ذي المادة اللي قالوا رح تحملينها ؟
ذي الأسئله اللي قالوا تلخبط ؟

رجعت البيت وبرضو ماقل خوفي لأني قلت يمكن الأستاذه تخسف الدرجات لأن مو معقول البنات يذاكروها أكثر من مره ويحملوها
جلست على أعصابي لوفت نزلت الدرجات ولا قدرت أشوفها .. وشافتها لي أختي

وكانت الدرجه أمتياز


وقتها أخذت عهد على نفسي أني أنزل هالموضوع لكم وأثبته بعد .. عشان ترتاحون وتذاكرون بدون خوف
ولا تسمعون أي كلام يقلل من حماسكم ويخوفكم


|| تلخيص : علماء النظريات الأجتماعيه ||


وأي سؤال انا موجوده .. الله يوفقني وأياكم ..