[white rose]

المشاركة الأصلية كتبت بواسطة آميرة الحلاآ يعطيك العافية white rose افدتيني كثير .. والله اني شايله هم مررة الله ييسر للجميع يارب .. حابة اسألك عن الألمنت والبايو ايش هوو ومواقعها كماان ؟ ممكن تعطيني روابط وكدا على الأقل اخذ فكرة .. والمواد الأدبية مثل الرواية والشعر كيف تدرسوها ؟ وشكسبير ؟ وبسألك عن مناهج بحث .. كيف المادة دي سهلة ؟ عن ايش تتكلم .. تعبتك معاي الله يسعدك ..

الله يعافيك اختي الكريمة

ويحق لك الله يسعدك التخصص مو هين يحتاج منك اجتهاد وتعب عشان توصلي لتحقيق حلمك وتتخرجي باعلى مُعدل ان شاء الله

ونصيحة استفسري كمآن من دكتورتنآ نورهـ راح تعطيك خطة بالمعدل وكم المتوقع تزيديه للتخرج بالارقام بس حطي لها معدلك وكم ترم باقي لك :||طُـمـوحـات و همم تُعانق سماء المجد♥ :كُل ما يخص المعدل الجامعي:

الالمنت هيا العناصر المكونة لكل نوع ادبي من شعر وقصة ومسرحية وهذي سهلة لا تشيلي همها مجرد تعرفيها وتقراين التعاريف الشارحة لهآ راح تعرفي تطلعيها بنفسك لكل قصة او مسرحية تواجهك

البايو اختصار للبايوجرافي اللي هيا خلفية الكاتب ونبذة عن العصر حقه وهذي كلها بالنت مجرد تكتبي اسم الكاتب بجوجل راح تطلع لك عدة خيارات منها البايو

المواد الادبية اول شيء بندرس العناصر في مادة المقدمة في الادب او نراجعها بعدها نترجم الكلمات الصعبة بالشعر ونقرا الشروحات ونحفظ النقاط المهمة بالعناصر والصور البديعية والمحسنات اللفظية

والقصة والمسرحية يكون بقراءة النص [ وفيه بنات يقراون السمري ( اي الملخص للرواية لكن هالشيء ما ينصح فيه الا لو مرة مضطرة وما امداك تقراين ) ] وبعدها نقرا شروحات النص اللي يكون فيها العناصر المهمة ونركز على كل كلمة تركز عليها الاستاذة شكسبير نفس الوضع بزيادة انو النص تبع المسرحيات حقتو مستخدم فيها لغة قديمة فتحتاج انك تقراين المسرحية بلغة مودرن شوية وفيه كتب توفر لك هالشي او ممكن تستعيني بمواقع زي السبارك نوت وغيرهآ

مناهج بحث تعتمد على الدكتورة اللي راح تدرسك فيها والمادة عبارة عن بحث تسويه وتمشي على خطوات معينة وفي البداية تحسيها صعبة لكن بمجرد انك تبدآين تكتبين البحث راح تتيسر عليك بإذن الله

وتتكلم عن المكتبات والتصنيف وعن الانتحال للبحوث وعن الاختصارات وكل شيء ممكن يساعدك على صنع بحث متكامل من الفهرسة الى كيف تسوي بحث كامل من المقدمة للنهاية ،،

ولا ابد ما فيها اي تعب الله يحفظك لا تقولي كذا الله يحييك

المشاركة الأصلية كتبت بواسطة آميرة الحلاآ اخاف اجمع بينهم واتورط لان المعهد دراسته 5ساعات يوميا من الأحد الى الخميس وساعة بريك .. طيب بالنسبة للتخرج كم ترم مسموح لي اخذه بعد المدة المحددة . لانو سمعت اذا تأخرتي بيحطو قيد على دراستك ؟ صح دا الكلام

اوكيه لا تجمعي بينهم خذي ترم اوف لكن ركزي على اهم المهارات وخاصة الكتابة لانها راح تفيدك كثير خاصة انو المواد بعد الخامس تتطلب منك الكتابة بشكل اكبر

للتخرج مسموح لك ب6 سنوات المفروض للدراسة وعشان تتخرجي وللامانة بعد نظام الاودس بلس ما عاد وقفو البنات بعد تعدي المدة النظامية حسب معرفتي وحتى اذا وقفو يرجعونك بمجرد روحتك لهم وطلبك من عمادة القبول والتسجيل تفعيل حسابك فلا تقلقين من هالناحية