رد: اصحاب المشورة فزعتكم في مواد اللغة الانجليزية
وعليكم السلام ورحمة الله وبركاته
حياك الله عزيزتي
ترى اغلب البنات كذا ينزلو مواد بين المستويات ويتآخرون خوفآ على معدلهم خاصة اول ترمين بالتخصص النزول والطلوع في المعدل سريع لكن من بعد الخامس يصير بطيء جدآ ويوصل انه بس يرتفع بعد الفاصلة من مية كمان خاصة انك واصلة لمعدل الاربعة يعني شدي حيلك زين واجتهدي لو حابته يرتفع واختاري الشعب الطيبة اللي تضمني مع دكتوراتهآ درجات عالية بإذن الله
لا تستعجلين على التخرج لان المهم معدلك خاصة لو حابة انك تكملين ماجستير ركزي عليه واشتغلي زين
المذاكرة من الكتب بالمواد اللغوية لكن بالمواد الادبية تعتمد على شروحات المواقع من النت والالمنت والبايو للكتاب الادبيين وكلها متوفرة بالنت واللي مو متوفرة تقدرين تجتهدين وتطلعين الالمنت بنفسك لكنها مو زي اول مستويين اختبار لمدى اتقانك للغة وما يخلى من التعب والجهد الكبير لان الحفظ وخاصة بالانجليزي يحتاج وقت
الامتياز ما تضمنيه لان الدكتورات ما راح يجيبون لك مسائل رياضية تحفظي قانونها وتجاوبي عليها لا راح يجيبون لك تعاريف وتعدادات واسئلة تحتاج فهم وتعبير + انه فيه شغل بريزنتيشنات وجورنالز وبحوث وتتقيمي عليهم يعني يعتمد على تقييم الدكتورة لشغلك ومدى كرمها بالتصحيح لكن ممكن تضمني انك ما تنزلي مثلاً على السبعين او الثمانين على اقل تقدير ،،
عمومآ تخصصنا مو سهل الامتياز فيه بشكل عآم زي التخصصات الادبية الثانية اللي تعتمد على الحفظ والتسميع فتلاقي عدد الامتياز قليل جدآ مقارنة باعداد الجيد والجيد جدآ وهذا عيب التخصص
تقدري تأجلي وتأخذي الدورة استخيري اول شيء واكيد راح تنفعك برفع مستواك اكثر بالمهارات الاساسية بس ركزي فيه على الكتابة والتحدث هما اهم مهارات اللغة وانتبهي انك ما تبعدي فترة طويلة عن التخصص حاولي لو تاجلين ترم كفاية وتركزين على اهم المهارات افضل من انك تبعدين على التخصص فترة طويلة بعدين يكون صعب عليك التأقلم ورفع المعدل ،،
الله يوفقك وييسر لك كل خير :-)
|