[بنت عز ما تنهز..]

السلام عليكم ورحمة الله
كل عام وانتو بخير
ومبارك عليكم الشهر

العام كان وضعي زي وضعكم..عايشة بين خوف وقلق
وكانت اسئلة كثيرة تتدور ببالي والحمدلله كلها فترة وانتهى كل دا

فحبيت اكون معاكم قد ما اقدر واجاوب على اسئلتكم

وزي ماقالوا فوق^^
القبول يجي متاخر

احنا العام كتبوا لنا تم الترشيح يوم 9 رمضان
ويوم 15 رمضان طلبوا منا اوراق نروح نسلمها في العمادة>>طبعا كان شيء مو مهم لان طلبوا نفس الاوراق مرة ثانية لما جأت الموافقة من الوزارة

والقبول ما جانا الا على بداية ربيع اول>>القبول يعني الجامعة ترفع اسماء الطلاب المرشحين للقبول في جامعة الملك عبدالعزيز لوزارة التعليم العالي بالرياض وبعد كدا الوزارة تبدأ شغلها واجرائاتها
وتقريبا حسب اللي اعرفه انها تاخذ الاجرائات من 4 الى 6 اشهر
احنا تقريبا اخذت 6 اشهر

وتقريبا على يوم 25/3 رحنا واستلمنا بطائقنا
بس طبعا قبلها بيومين ارسلوا لنا رسائل على الجوال..وبعده رحنا وسلمناهم الاوراق المطلوبة وفي البعض استلم البطائق بعده بيوم او يومين

فاهم شيء حاليا انكم تنتبهوا لرقم الجوال اللي سجلتوه بالموقع..لان عن طريقه بتتواصل معاكم الجامعة

واي طالب او طالبة موزونته 90 وفوقها ومن جدة لا يخاف..وان شاء الله اموره سليمة

واللي من خارج جدة ما نقدر نحدد النسبة بالضبط كم راح تكون..لان اكيد بتختلف على حسب مستوى الدفعة وعلى حسب عدد المقاعد

وزي ماقالت حياة فوق^^
اللي من جدة وموزونته90 وفوقها لا يسجل في اي جامعة ثانية..لان ممكن يسبب له تعارض في القبول لو تم ترشيحة من الجامعتين


ادري الكلام كثير فوق بس ان شاء الله اكون قدرت اجاوب على اغلب التساؤلات اللي تدور ببالكم..واذا في اي سؤال عادي اسألوا وان شاء الله بنجاوبكم
وبالتوفيق للجميع..