مشكورة أستاذة روح ع التفاعل ونصيحتك على عيني وراسي وان شاء الله بستفيد منها :)
ومشكورة أستاذة كاندي ...
والله يبارك فيكي وعقبال ما نفرح بيكي ف دكتوراة الرياضيات :)
ان شاء الله ياااااارب ويااك
أنا اليوم رحت جامعة طيبة عندنا ف المدينة وقالي دكتور ف قسم الرياضيات نفس كلامك انو استأذن من رئيس القسم واحضر كمستمع وأواظب ف الحضور
وقالي خد كورسات قد ما تقدر لأنو ف الرياضيات ما راح تخسر قد ما تاخد قد ما يكون أحسن :)
كلامه تمام وان شاء الله ربي ييسرلك
الحاصل الفكرة جميلة بس طبعا الكورسات هادي لو اخدتها كمستمع ما حتكون موثقة لكن في حال برنامج دكتوراة الاقتصاد عملولي اختبار قياس مستوى ف الرياضيات راح اقدر أجاوب بناءا على اني درست هادي الاشياء
وممكن بعد فترة تكون علاقتي بالدكاترة ف القسم صارت ممتازة ممكن اطلب منهم توصية recommendations انو الطالب خالد فعلا درس عندنا المواد هادي وكان مستواه جيد جدا مثلا وتمشي الأمور سهالات ههههه
جداً ممتاز واكيد لو اختبرت معاهم ودرست الماده تمام بيعطيك دكتور الماده توصيه عشان تفيدك في الدكتوراه ان شاء الله وزي ماقلتلك فهم دكتور الماده الموضوع من البدايه عشان تمشي امورك ان شاء الله
النقطة التانية انو رحت ع اقسام الرياضيات ع موقع الجامعة للبنين والبنات وحتى اللي ف مدن تانية وكده يعني ...
بس ولاحظت انو فيه اختلاف شوية في ذكرهم للمتطلبات السابقة ( طبعا أنا يهمني موضوع المتطلبات السابقة عشان أعرف أقسم المواد ع الاترام العادية والصيفية )
احيانا في متطلبات لنفس الماده في الخطه بس لك انت مااعتقد تلزمك وفي متطلبات ضروري تكون اخذتها قبل الماده لانها متعلقه بها
والنقطة التالتة اللي لسه ماني عارف كيف ابدأ فيها اللي هي مسألة مواعيد المحاضرات وهل فيه محاضرات مسائية أو لا
لأنو ممكن يحصل عندي تعارض جامد مع مواد ماستر الاقتصاد اللي تقريبا حتكون كلها ف الصباح :(
المهم ما راح أييأس من دحين وان شاء الله بنلقالها حل من هنا ولا من هنا ههههه
صح كلامك اهم شي ما تيأس و خذ المواد حسب اهميتها عشان لو ما مداك تأخذ بعض المواد يصير اخذت المواد المهمه جداً وبالنسبه لاوقات المحاضرات تقدر تكلم فيها رئيس القسم وهو بيفيدك ان شاء الله
فالمواد اللي جمعتها وحاب أتأكد من متطلباتها السابقة هي ::::
P { margin-bottom: 0.08in; } ماث 110 تفاضل وتكامل 1
ستات 110 احصاء عام
ماث 202 تفاضل وتكامل 2 – سابق ماث 110
ماث 203 تفاضل وتكامل 3 – سابق ماث110 – تؤخذ مع ماث 202 ف ترم واحد – يجب التحقق من المتطلبات السابقة
سبيت 201 مقدمة ف البرمجة – سابق سبيت 100 مهارات الحاسب – كلها من قسم تقنية المعلومات بكلية الحاسب وحسب موقعهم سبيت 201 ليس لها متطلب سابق
ماث 204 معادلات تفاضلية 1 – سابق ماث 202 – يجب التحقق
ماث 241 جبر خطي – سابق ماث 202 و 203 – يجب التحقق من السابقة
ستات 211 نظرية الاحتمالات – سابق ماث 202 وستات 110
ماث 251 اسس الرياضيات – سابق ماث 110
ماث 205 متسلسلات وتحليل متجهي – سابق ماث 202 و 203 – يجب التحقق
ماث 305 معادلات تفاضلية 2 – سابق ماث 204 و 205 و 241 – يجب التحقق
ماث 311 تحليل حقيقي 1 – سابق ماث 205 و 251 – يجب التحقق
ماث 331 برامج رياضية وبرمجة – سابق 204 و 205 و 241 – يجب التحقق
ماث 312 تحليل حقيقي 2 – سابق 311 و 241 – يجب التحقق من المتطلبات السابقة
ماث 333 رياضيات مالية – سابق 204 و 205 و 241 – يجب التحقق
ماث 414 موضوعات ف التحليل الحقيقي – سابق 312 – يجب التحقق
ماث 422 التحليل العددي – سابق 204 و 241 – يجب التحقق
ممكن استبعد بعض المواد اللي هي : برامج رياضية وبرمجه - ورياضيات مالية - وموضوعات ف التحليل الحقيقي - والتحليل العددي ( مع انو نفسي فيها ههههه )
يبقى معايا 14 مادة أقسمها على اربعة اترام عادية وترمين صيفي مع مراعاة عدم التعارض مع مواد ماستر الاقتصاد من حيث مواعيد المحاضرات :)
أنا ف بالي دحين أخفف العبء الدراسي حق كورسات الرياضيات ف الأترام العادية وأزيده ف الصيفية لأنو ما ينزلنا ف الماستر صيفي
لذلك لو أخدت كل ترم عادي مادتين وأخدت ف الصيفي 3 الى 4 مواد اتوقع بتكون فكرة مناسبة !
أيش رأيك يا أستاذة كاندي ؟