بسم الله الرحمن الرحيم
اليوم رحت للجامعة زيارة سريعة لكلية الهندسة
طبعا مبناهم الجديد اللي ما يعرفه ملاصق للسنة التحضيرية وبالتحديد عمادة القبول والتسجيل ( جنب المواقف المسقوفة )
المبنى ما شاء الله جدا جدا كبير وعلى أفخم طراز والأصنصير يتكلم
جلست أنتظر وكيل الكلية عشان عندي كم سؤال وحضرته ما بيجي إلا الساعه 11
فاكتفيت بسؤال سكرتيره الي جا الساعه 9
!
سألته أول شي عن النسبة الموزونة لقبول الطلاب المتخرجين من السنة التحضيرية في الترم الأول من السنة الجاية ( الي بدوا الترم الثاني من العام هذا )
وقالي أنها ما بتختلف عن نسبة الدفعة أو تختلف قليل لأن المقاعد بتكون طبعا أقل
وأيضا سألته سؤال يهمني ويهمكم هل بتكون المقاعد المقبولة أكثر هذي السنة بما أن المبنى الجديد أكبر ؟
قالي نعم بتكون أكثر بس بالتدريج لأن مافي دكاتره كثير وكذا
يعني كل سنة بيزيد العدد وكذا ..
وسألته عن عدد المقبولين في بداية السنة وقالي 300 فقط وهذي المعلومة استغربت منها حسيت العدد جدا قليل
وذكرلي ان 900 طالب السنة الماضية عدوا شروط الكلية الي هي b في الرياضيات والانجليزي والفيزياء وانقبل منهم فقط 300
وبس هذا الي عندي والله يكتب لي ولكم الخير في أي مكان