أول شي لازم تجيب معدل عالي في الثانوية عشان تنقبل في الجامعة علمي يعني مو مرة عالي يعني مثلا في المدرسة 93 و القدرات 75 و التحصيلي مثلا 75 كذا بإذن الله تنقبل علمي انتظام ، ثاني معلومة حاب أقولك هيا أنه لازم تدرس السنة التحضيرية عشان تتخصص و على فكرة أي أحد يبغى يدخل كلية الهندسة لازم يحقق الشروط الخاصة و هي أنك تجيب 80 أو أعلى في كل من الرياضيات و الفيزيا و الانجليزي 104 و بعد ما يحددوا كل الطلاب اللي حققوا الشروط الخاصة يسووا تصفية بينهم على حسب موزونتهم في جميع مواد السنة التحضيرية (من 100 الموزنة) لأنه التسكين ماله صلاح بالمعدل (اللي هو من 5) له بالموزونة و بعد ما يتم قبول الطلاب في السنة العامة للهندسة لازم يدرسوا سنة كاملة فيها مادتين رياضيات و فيزيا و عربي و ثقافة إسلامية و رسم و غيرها من المواد اللي ما أعرفها و بعدها على حسب رغبات الطلاب و موزوناتهم في السنة التحضيرية + السنة العامة للهندسة يتم تسكينهم في التخصص المناسب سواء هندسة صناعية أو مدنية الخ طبعا لو واحد معدله 3.5 و يبغى هندسة صناعية مثلا احتمال كبير يرفضوه و يحطوه مثلا هندسة معادن و لك الأفضلية في القبول في التخصص الهندسي اللي تبغاه كلما ارتفعت موزونتك و الله يوفقك يا رب.