[Moodyz]

السلام عليكم

هذا الموضوع يا ناس مرة حيرني وكل ما أسأل فيه شخص يقول لي كلام من عنده وما يستند على شي قوي
الموضوع باختصار طريقة التسكين في الكليات
طبعا زي ما الكل عارف بعض الكليات تطلب درجة محدده في مواد محدده
كمثال الهندسة طريقة حساب المعدل حقها زي ما اعرف
( درجة جميع مستويات الانجليزي * عدد الساعات ) + ( درجة الفيزياء * عدد الساعات ) + ( درجة الرياضيات * عدد الساعات )
/ قسمة مجموع عدد الساعات
مثال رقمي :
( 94 * 2 ) + ( 90 * 3 ) + ( 85 * 3 )
/ قسمة 8
= 89 b+
لكن دائما عدد كبير من الطلاب يجيبوا النسبة المطلوبة لدخول الهندسة
فأحد الأخوة قال لي أنهم بعدها يأخذوا معدل كل المواد النسبي وعلى أساسه تدخل المفاضلة
يعني الحاسب والمهارات والكيمياء والاحياء والاحصاء برضوا حتأثر في قبولك في الكلية
لاحظوا انا تكلمت عن المعدل النسبي الي زي ما سويته فوق ضربت الدرجات في الساعات وقسمتها على مجموع الساعات
ويطلع الناتج من 100
يعني مو المعدل التراكمي الي من 5
فأنا سؤالي هنا : هل يلجأوا للمفاضلة بالمعدل النسبي الي يطلع ناتجه من 100
ام ينظروا للمعدل التراكمي الي ناتجه من 5
رجاء أبغى اجابة من واحد متأكد من الموضوع 100 %
لأن لو لجأوا للمعدل التراكمي الي من 5 الكثير بينظلموا لأن الي جايب 90 نفس الي جايب 94 كلهم a
وبس