رد: كيف اعوض محاضرات السنترا
وعليكم السلام ورحمة الله وبركاته
حياك الله اختي
نظام السنترا زي ما انتي عارفة انو لازم تضبطين جدولك اول شيٍء بعد السداد بعدها تنزل لك المحاضرات حسب جدولك يعني لو ما حضرتي الكلاسات وصلحتي جدولك حتنزل لك الكلاسات الخاصة فيك وكمان مو كلها تتسجل زي العادة لكن وعدو البنات انهم راح يستخدمو نظام البلاك بورد لكم وراح يحسنو من مشاكل السنترا بالنظام الجديد ومنتظرين انهم ينزلونه لكم قريب بإذن الله
أما تأخير السداد خاصة بتخصصنا يتعب مرة لانك وقتها حتضطرين انك تتواصلين مع زميلاتك للحصول على أخبار المحاضرات اولاً بأول ومعك حق عدم معرفة ما يدور بالكلاسات وعدم وجود مرجع يسجل لكم المحاضرات ويحفظها لكم للعودة وقت ما تسددي شيء صعب ويحرمك من فرصة الفهم ومعرفة محتوى المادة حتى لمن تتواصلين مع الاستاذة حتقولك بشكل عام اش انتي ملزمة فيه لكن ما حيكون زي الحضور المباشر وسماع المناقشات والشرح من الدكتورة
ومشكلة السداد وارتباطها بتفعيل الحذف والاضافة مشكلة ازلية ومعروف انو الفلوس عندهم اهم من مصلحة طالب/ة الانتساب لان بنظرهم العائد المادي هو الاساس من العملية التعليمية بدليل منعهم لدخول طالبة الانتساب وحصرها في يومين كأن طالبة الانتساب ما لها الحق بالتواصل مع الاستاذة او الاستفادة من مرافق الجامعة وللامانة طوال المسيرة التعليمية ما لقيت اي تجاوب من مكتب الانتساب بكلية الاداب مع اي مشكلة واجهناها لذلك الواحد يعتمد على نفسه من اول يوم يسجل فيه بالجامعة لاخر يوم ويجري ورا أوراقه ومعاملاته بنفسه خاصة بشطر الطالبات بالسليمانية وربي ما يضيع لنا تعب ابداً
تقدري تشوفي الساعات المكتبية لكل مس افتحي جدول الانتظام وشوفي كل مس تدرسك متى عندها بريك بين المحاضرات حقتها وروحي لها وكلميها بعدها اطلعي على المكتبات واشتري الكتب الاكيد بس بشكل عام الاغلب يعتمد نفس المنهج ما عدا دكتورة سوزان هيا اللي بتغير المنهج وساعات مس ايمان بوترعة ومس منى البلوي لكن البقية يلتزمون بالمفردات وتقدري كمان ترسلين ايميل لمس جميلة تكتبين فيها موادك واش الكتب اللي معتمدة عند المس اللي تحسيها ما تلتزم بالمفردات وتتاكدين منها يمكن تساعدك ،،
الله يوفقك :-)
|