[العمر فاني ورضاك راس مالي]

انا طبعا الترم اللي فات كنت عند الاستاذه نسمه

بصراحه كنت متخوفه منها..

وانا موظفه بشركه اداريه رحت عندها وقلت لها

انا موظفه وكيف التدريب قالت لي تدربي بالشركه حقتك بس جيبي مايثبت انك موظفه هنا..

المهم عملت تقرير طبعا التقرير وحده من صديقاتي اخذتو من النت وعدلت عليه وانا اخذتوه منها

وحطيت معلومات الشركه وعدلت عليه..كذا خلصت من التقرير تبع التدريب الحمد لله..

باقي عليه البحث والله ماكنت عارفه اش اعمل طبعا الموضوع تبعي كان المشكلات الاداريه واتخاذ القرار ..لانو ميولي حل المشكلات..

المهم رحت المكتبه اللي بالجامعه واخذت كتب وصولرت دراسات سابقه ومدري وش الهرجه..

قبل تسليم البحث بيومين كلمت صديقتي وسالتها عن بحثها لانها عند نفس الدكتوره طلعت صديقتي طحطوحه عامله بحث ب2000

وصديقتي الثانيه 1200..المهم ماعلينا قلت لو احمل الماده وربي مادفع ذي المبالغ..اخذت البحث حق صديقتي ابو 2000 احب الغالي ههههه


وكان موضوعها يختلف عن موضوعي تماما ولكن رحت بحثت في النت عن الموضوع تبعي وكتب pdfهذا الملف البحوث الموجوده فيه موثوق منها

وعملت نسخ ولصق وغير اني تكلمت شويات عن الشركه في وسط البحث لان صديقتي كانت كاتبه عن مدرسه تدربت فيها...

وخلصت بحثي وجاء وقت التسليم والمناقشه طبعا لمن جيت اناقشها جلست اهرج هرج كثير واتفلسف واكلمها عن الشركه وبصراحه وقتها حسيت انو تكلمت عن بحث

واني عالمه وحاجات كثيره لانها جلست تتاملني وتبتسم وتقول قود ومن ذا الكلام..بس للامانه انا كل الهروج اللي هرجتها ماكنت في بحثي بحثي كان نسخ ولص ومدري وشو اصلا

وقالت كل الكلام دا موقود في بحسك قلت لها لا انا بصراحه يادكتوره بحثي نسخ ولصق من pdfلانك انتي قولتي في محاضراتك انو نعمل منه..المهم شكرت فيني وحسيت انها راح تعطيني 100

وعملت لها الاستبيان وقلت لها نسيتو بمكتبي قالت ظروري تجيبيه ولمن خلصت المناقشه قلت لها انا حرسل لك الاستبيان قالت لا خلاص انا كذا اكتفيت بمناقشتك..حسستني انها راح تعطيني 100 قسم


المهم انها اعطتني 75..واعطيت صديقتي اللي بحثها ب2000 بالقوه90..واعطت صديقتي اللي بحثها ب1200,الدرجه85 ...حسيت انها ظلمت صديقاتي بذات ابو 2000 بصراحه صديقتي ذي فيلسوفه يعني مناقشتها مره اوكي

وانا اللي بس عملت نسخ ولصق اعطتني 75 انا حبيت الدرجه قلت الحمدلله مادفعت فلوس...