[white rose]

هلا اختي

اذا انتي لسه ما خلصتي التحضيري انتظري الين تنتهي منه هالترم وقدمي على الاختبار في بداية الترم الجاي [ اللي راح تتسكنين فيه في كلية الاداب ] يعني الاختبار يكون بعد التسكين في الاداب وفي اول اسبوع في الدراسة روحي لهم يوم الاثنين لان عادة اول يوم ما يكون عندهم خبر لسه عن الاختبار ،،

اختبار الترم هذا عقد من فترة وانتهى وفي هذا الموضوع تلاقي كل شيء عنهم بالردود وعن طريقة الاختبار كمان : }::{ مُبارك للمستجدين والمستجدآت وحيآكم بقسم اللغات الاوروبية ❥~

شوفي للامانة هذا التخصص عشان تمشي فيه كويس لازم ما تزعلي من اي كلمة تنقال لك وتطنشي كثير يعتبر من تخصصات حرب الاعصآب الباردة يعني المسئولات الله يصلحهم مو الكل لكن الاغلب ما يعطوك وجه بس انتي حاولي معهم عشان مستقبلك اولاً واخيراً وكمان هيا حظوظ ساعات يعاملوك معاملة حسنة انتي ونصيبك وربي يجعل في وجهك القبول والسعادة


وما شاء الله تبارك الرحمن درجاتك طيبة يعني ما عليك اي قصور ان شاء الله بس شدي حيلك بالاختبار وضبطي كتابتك للبلجراف وربي ما يضيع لك تعب

الله يوفقك :-)