[AbdulrhmanB]

بالنسبة للأستاذ عبدالرحمن السلمي شرحه سيء أو بالأحرى هوا يرجع يكتب الكتاب عالسبورة بدون أي مبالغة ومحاضرتو تجيب النوم، ولكنه غالباً ما يحضر تقريباً في الأسبوع محاضرة وحدة لكن المشكلة انك ما تعرف اش اليوم اللي حيحضر فيه ، عموماً أنا كنت أحضر للمراجعة عنده وكنت أعتمد على نفسي في مذاكرة الرياضيات من الكتاب و الوورك شوب حق أبوجبل

.
.
.

بالنسبة للي يسأل عن محمد الزين، أفضل شيء انو المحاضرة عندو تخلص في نص ساعة أو أقل من ساعة(الفزياء عندي كانت ساعة وتلت)، شرحو مو مرة كويس ولا مرة سيء لكن اذا بتحاول تفهم منو لازم تحضر المحاضرات كلها وما تغيب وما تتأخر لانو حيضردك أو ممكن تلاقيه خلص الدرس ، وهوا من النوع اللي يكتب كثير عالسبورة عشان كدا حاول تصورها أثناء الشرح إذا كان حيمسحها أو في نهاية المحاضرة أهم شي لا تشغل نفسك بالكتابة في الدفتر لانك حتلاقي نفسك ضعت في وسط الشرح
نسيت أذكر انو محمد الزين تا ما شرح المنهج بالكامل فالأفضل انك تذاكر من كتابته أو تفهم فقط وبعدين تذاكر من ملزمة أشرف بركات

.
.
.
بالنسبة للأساتذة الآخرين ما أعرفهم
دمتم بود