[saadoony]

المشاركة الأصلية كتبت بواسطة ahmed-1 أخي الكريم أنت مجبور بموادك ذي وماعنك وعنها ... لذلك خذها نصيحه والله أني أتمنى لك ماأتمناه لنفسي وأكثر ، وما قدمته للكثير أيام الدورة التأهيلية لا يجهله أو ينكره أحد ونصيحتي هي لا تشاور كثير ترا كل مالك تتوه نفسك .. حاول تتفرغ للمذاكرة قبل الإختبارات و (((( ذاكر مزبوووووط)))) والماده عند من تكون .. !! خله آخر همك. تدري ليش ،، أخذت مع دلاور 95 استماع مع إلياس 88 مقدمة الأدب مع ياسين 86 الصوتيات مع السويسي80 قراءة بس - بعد توفيق الله - كنت مستعد للمادة بكل ماأستطيع من إمكانية قبل ما يجي وقت اختبارها ،، أما إني أذاكر قبل اختبار المادة بأربعة خمسة أيام ،، وبعدين أقول حسبي الله على ...... أعطاني 65 مع إني أستحق 90 شد حيلك وإستعد للماده ((مزبوط)) وبفترة كافيه جداً وتوكل على الله ،، ..وقول احمد قال..

أسبقية المذاكره هي أفضل طريقة لتحقيق درجات عاليه لكن اللي أقصده مثل مادة الصوتيات ومادة النحو مواد دسمه ومليانه كلام كثير لو نزلتها في الترم العادي درجتي فيها ما راح تكون أفضل من الصيفي يعني لو أذاكر الصوتيات من ألحين إستحاله أجيب 100 مع دلاور لكن لو أخذتها في الصيفي إحتمال كبير أجيب درجات عاليه وأنا حالياً في رحلة البحث عن المعدل وليس النجاح وفيه بعض الدكاتره مثل الشهري يجلدك بالأسئله وكلنا شفنا أسئلته بالمناطق وفي الأخير يقول لك بساعدكم بالدرجات يعني كأنه متفضل علينا بالدرجات طيب ليش ما عطنا في البدايه أسئله متوسطه الصعوبه خلى العالم تنجح بمجهودها كذلك هرموش جلدنا بأسئله مقاليه عشان يتساعد معنا وفي الأخير نسبة رسوب كبيره ودرجات أسوأ من الأترام السابقه

بس شكلي الترم هذا بطبق طريقتك في أسبقية مذاكرة المواد من الآن هذا والله ولي التوفيق

المشاركة الأصلية كتبت بواسطة dewy_flower آنآ آخذت لغويآت مع طآرق وحدد لنآ وجآب لنا في الاختبار 10 اسئلة ونجآوب على 7 فقط

بالنسبه لطارق إلياس الطلاب أنقسموا قسمين طلاب مدحوا أسئلته وطلاب ذموها ووعد الطلاب بأشياء وهرب للخارج وترك حرية كتابة الأسئله للبارقي

بالنسبة للـ 10 أسئله هل هي مقاليه ؟

الشكر الموصول للجميع على ردودهم