[ابوالحمزة]

أخي خذها مع الدكتور الفاضل محمد الهرموش ولا تتردد بس إن شاء الله مايكون أتأثر الدكتور من الهجمة الإعلامية اللي مسوينها الشباب . إن شاء الله يخفف عليكم عدد القصائد ويتساعد وبعدين لو الدكتور أعطاكم ملخص ودلكم عليه خليك لاصق في الملخص ولا تشتت جهودك في مواقع وأفلام وغيره . أحفظ الملخص صم وأطبعه في ورقة الإجابه . أنا ما أخفي عليك جبت 99 في المادة وأنا متأكد إن الدكتور الله يحفظه اتوصى لي في الدرجة لأني متأكد من بعض النقص في الإجابات يعني حقي 90 ماهم 99 الله يعطيه العافية وبعدين لو جاب الدتور لكم مثلنا 15 سؤال وقال لكم جاوبوا على 13 أنا أنصح إنك تجاوب ال- 15 سؤال إن قدرت وهذا يشيل ذالك زي مايقولوا وبعدين أنصحك وانصح الجميع في جميع المواد التي أجوبتها مقالية أن يهتموا بالخط والوضوح ونظافة الورقة والترتيب الخ والله هذا الترتيب لوحده يستاهل النجاح فما بالك لو تممتها بحلول طيبة . والله أنا عن نفسي جايب معي مزيل " ليكود" علشان لو أخطأت في الكتابة أمسحها مو أشخمط وأمشي . والله شفت بعض الشباب في القاعة يحلوا الأسئلة المقالية بمرسام وبعدين يحبّر عليها بالقلم ! ولك أن تتصور شكل الكتابة كيف حيكون.

الله يوفق الجميع ويكتب لهم النجاح في الدارين وسامحوني على الإطالة والمداخلة.