الموضوع
:
تجربتي مع خطه أ
عرض مشاركة واحدة
منتديات طلاب وطالبات جامعة الملك عبد العزيز
منتديات طلاب وطالبات جامعة الملك عبد العزيز
#
1
22-01-2014, 05:20 PM
memo1995
جامعي
تاريخ التسجيل
: Jan 2014
الكلية
: مسار السنة التحضيرية علمي
نوع الدراسة
: إنتظام
البلد
: جــــدة
الجنس
: أنثى
المشاركات
: 4
تجربتي مع خطه أ
السلام عليكم
بتكلم اليوم عن تجربتي في خطه أ
الحمد لله الخطه سهله وبسيطه لكن برضو تحتاج جهد منك مو انها سهله تهملي المذاكره
وتذكرو في النهايه ان لكل مجتهد نصيب
مع الاجتهاد كل شي بيكون سهل إنشا الله
أول شي مواد خطه أ [ رياضيات - فيزيا - حاسب - مهارات إتصال ]
الرياضيات :
الرياضيات ماده سهله وبسيطه ومنهجها نفس الي اخذناه فالثنوي أول فصل يكون محذوف واشياؤو مره بسيطه بتاخذوه لكن مايدخل فالاختبار منو الا درس
والفصول الباقيه برضو سهله وبسيطه مره لكن شوي اختباراتهم فيها لفات ومهي مباشره لكن الحمد لله كنت أجيب درجات كويسه فيه
الرياضيات لازم تذاكري اول بأول فيه حتى ولو هوا سهل لكن افكارو كثيره والتمارين كل واحد بفكره
ماكنت اذاكر من ملخصات احسها مو مفيده كثير ومضيعه للوقت الكتاب فيه تدريبات تكفي وكمان الوورك شوب فيها تمارين حلوه
كنت أخذ عند دكتوره هدى أفندي وهيا دكتوره جيده وتحاول تبسط المعلومه قد ماتقدر والفضل لله ثم بشرحها البسيط قدرت اجيب درجه جميله جداً
فالاختصار ذاكرو اول بأول + تدربو كثير + احضرو المحاضرات قد ماتقدرو وانشا الله بتجيبو درجه كويسه فيه
الفيزيا :
مادة جميله جداً جداً مره حبيتها مع اني كنت اكرهها المنهج جداً جداً بسيط مافيه أي صعوبه
القوانين مافيها أي لف او دوران ، كنت أخذ الماده عند دكتوره لبنى سندي شرحها جميل وكانت تقول اش الاخطاء الي يوقعو فيها البنات وتصححها لنا
كانت تخلينا نذاك من السلايدات وتقلنا ذاكرو الكتاب بس شكل الكتاب كان يفجعني وصراحه ماكنت افتحو مره اشتريتو على الفاضي
لكن مذاكره السلايدات لحالها مره ماتغني كنت أذاكر من ملخصات يوسف زويل جداً جداً جداً جميله والامثله الي فيها تخلي يدك سريعه وتتعودي على الاسئله مره
كثير من اسئلتو افكارها نفس الي تجي فالاختبار ، اما الفيديوهات حقتو صراحتن مره وحدا بس قد شفتها لانها طويله وبتضيع الوقت لكنها برضو مفيده لما ما افهم شي ارجعلها وافهما مزبوط معاه
المذاكره اول باول في ذي الماده برضو مهمه مره عشان تضمني درجاتك
السكشن احضريه مع مها دفتردار جداً كويسسسه
وكانت تقلنا افكار تجي فالاختبار كمانا
هاذي الماده قد ماكانو البنات يخرجو مخبصين يجيبو درجات اكثر من الرياضيات والحمد لله جبت فيها درجه جميله جميله جداً
فبالاختصار ذاكرو اول باول + حلو من ملخصات يوسف زويل + برضو احضرو المحاضرات + السكشن + وانشا الله بتجيبو درجه كويسه فيييه
الحاسب:
مدري كيف ماده سهله وصعبه يعني
فيها كلام كثير يطفش لكن نفس المنهج سهل بس هما يحبو الكلام الكثير
الاختبار الاول كان مرررررره سهل وكانت استاذتنا مره تخوفنا منه بس ماطلع قد تخويفها
لكن الثاني منجد جابوه مدري كيف كان عملي على نظري يدوخ
بس النهائي بسطنا مرررررره
حلو في ذي الماده الي اختبرتيه يروح ومعد تعيدي تختبري فيه
اختبارات العملي مررررره سهله الحمد لله وبالراحه تجيبي فيها درجات ، واخر اختبار حطولنا بونس في العلمي
لو كان في حصه عملي حاولي تطبقي مع الاستاذه عشان ماتحوسي في المذاكره
والحمد لله برضو جبت فيه درجه كويسه مايحتاج ملخصات ولاشي هيا ماده خفيفه فالنهايه
مهارات الاتصال:
اسهل ماده
منهجها مررررررره سهل كلو فهم
والاستاذات الي يدرسوه يساعدو واعطونا بونس في النهايه بدون مقابل
والاختبارات بسيطه وسهله وتنحل في ربع ساعه ولا نص ساعه من سهولتها
وبس كذا اكون خلصت مواد خطه أ
واخر شي اقلكم لو اجتهدتو مهما كانت الماده صعبه بتقدرو تجيبو فيها درجات باذن الله وربي مايضيع تعب احد
memo1995
مشاهدة ملفه الشخصي
البحث عن كل مشاركات memo1995
البحث عن المواضيع التي كتبت بواسطة memo1995