[Ranad Ayman]

المشاركة الأصلية كتبت بواسطة رفّات حُلم اوك انا صراحة ما كُنت أزاكِر اول بأول :9 قبل الدوري بفترة أزاكِر :( السكشن لا يفوتك حق الفيزيا مع مها دفتردار متمكنننننننة مرة، وتشرح بشكل جميييييل كنت احضر لها الخميس، ويكون فاضي السكشن حتى ما يحتاج حجز، أجي والباقي في الصفوف الاولى طبعا حـ تلاقي جدول السكشن حق الفيزيا، في موقع المنسقة ريم الوافي اما بالنسبة لرياضيات مافيه سكشن، لكن فيه محاضرات إضافية وتكون مع نفس دكتورتِك، وهيا تحددلك لو تبا بكرا في نهاية المحاضرة الاساسية وتقويم المكان وكدا ويكون فيها اما درس جديد، او ممكن تمارين! لا تفوتيها، لانها تُعتبر محاضرة! - ممكن باختصار، المصادر اللي تِزاكره منها كل مادة في خطة ب؟

ممم ماشي طيب شكرا .. الله يجزاكِ الخير ..

بالنسبة للمصادر ..
احياء

سلايدات فقط لاغير .. لو احد جاكي وقلك ملخصات .. الخ .. لا تستمعي خليكي بالسلايدات والاسئلة في الموقع التفاعلي + حضورك للدكتورة حنان الشاذلي لأنها كانت تقول طرق الأسئلة مو الاسئلة انتبهي .. والاختبار تبع الاحياء مرة حلو ومباشرة ومافيها لف ودوران .. بس في الفاينل حبتين كان في اشياء جديدة بس تعتمد عالفهم بس العلامات كانت عالية ماشاءالله وابشرك كتيييييير جابو 100

الاحصاء

الكتــــــــــاب بس !! + ملحوظاتك مع الدكتورة .. وانصح بسماح سندي مرررة تدخلي الاختبار وانتي عارفة طريقة الاسئلة
طبعا حتسمعي ملخصات اشرف بركات وجمال السعدي .. بس انا عن نفسي ما مسكتها الا في الميد الاول .. واخذ من وقتي مرة كتير .. في النهاية تركتها .. اصلا نفس الدكتورة قالت لا تمسكولي ملخصات وتجيبولي سيرة اي واحد فيهم .. خلوكم معايا ولا تضيعوا نفسكم

الكيمياء

السلايدااات للدكتورة ليلى الحربي فقط + تست بانكس في صفحتها برضه
اذا عرفتي تحلي التست بانك يعني انتي فااااااااااااهمة لأنه مرة ملفوف فيها واقولك سر صغير ترى الاختبارات كذا مرة تجي منها الاسئلة طببق الاصل بس تغير الارقام واحيانا لا
وكثير حيقولولك فيديوهات وملزمة يوسف زويل .. انا عن نفسي ما اشتريت الا ملزمة تبع الميد الاول ولا شوفت فيديوهات له الملزمة بس اخدت منها طرق مختصرة للحل .. يعني كان يدمجلك خطوتين في وحدة مررة حبيتها
واتوقع بس الميد الاول حترجعي ليوسف لانه الشابترز الباقية بسيطة بس السلايدز والتست بانك .. تكوني عملتي الي عليكي

ان شاء الله افدتك .. والله يوفقك