[Bo0oZy]

المشاركة الأصلية كتبت بواسطة ahmad smart السلام عليكم ورحمة الله وبركاته الكل يعرف بأن الغرض من وجود السنة التحضيرية هو العدل بين الطلاب والطالبات لكن هنالك اختلاف بين الخطتين أ و ب على مدار الترمين في بعض مناهج المواد وهذا من شانه يقلل من فرص العدل بين الطلاب فالخطة المقترحة هي أن يكون التسكين علي الكليات كلٌ على حده بمعنى اخر يكون القبول في كلية الطب 50 % من طلاب الخطة أ و 50 % من طلاب الخطة ب فلو كان عدد المقاعد المتاحة للطلاب بكلية الطب 200 مقعد على سبيل المثال يتم ترشيح 100 طالب من الخطة أ و 100 طالب من الخطة ب هاذا من شانه ان يعدل بين الطلاب والله الموفق والسلام عليكم ورحمة الله وبركاته

أنا بصراااحة من أول وأنا بقووول كدا ،، لانو فعلا ً ،،، احنا مختلفين في الخطة ،، صح نفس المواد ،،، لكن هل نفس طريقة التدريٍس ؟؟ وهل نفس المستوى ؟؟؟

يعني من باب العدل انو يخلو الفرص متساوية أمام الخطتين ،، أ و ب ،،،

والله يوفق الجميع

المشاركة الأصلية كتبت بواسطة m!ss mojy انا عن نفسي مااؤيد هذا الاقتراح لان اذا فرضنا ان وحده من خطه أ معدلها مرره عالي بس في 100 طالبه اكثر منها يعني هيا ماحتدخل الطب ووحده مثلا في خطه ب معدلها اقل من هاذي الطالبه ويقبلوها ليييييييه عشان ممكن يكون في بس 90 طالبه من خطه ب اكثر منهااا وانا اشوف ان هذا الشي ابداااااااااا مافيه عدل العدل انه ياخذوا عالمعدل وبسسسسسس ومافي شي اسمه مافي عدل في الخطتين ؟؟؟ كلنا بندرس نفس المواد اذا مو في الترم الاول في الترم الثاني واذا قصدكم على ان خطه ب كان فيها سوء تنظيم الترم الاول وعلينا احنا عدلوا الاخطاء ونظموا اكثر نفس الشي بيصير معاكم في الفيزيا والرياضيات وانا هذا رأيي .....

عفوا ً اختي موجي ،، خلينا نفصفص كلامك حبتين ونشوف بعدين ايش رأيك ،،

لان اذا فرضنا ان وحده من خطه أ معدلها مرره عالي بس في 100 طالبه اكثر منها يعني هيا ماحتدخل الطب

طيب ولو افترضنا انو في واحدة في خطة ب ،، جايبة معدلها مررررة فوق واعلى وحدة في خطة ب ،،، بس للأسف النظام والوضع اللي حصل وسوء التنظيم خلاها تجيب مقارنة بطالبات الخطة أ معدل طايح ،،، فبالتالي هل يعقل انو يكون كل طالبات الطب مثلا من الخطة أ ؟؟؟

نفس الشي احنا السنة التحضيرية لو يبغو للطب فقط 200 وكنا مجموعة واحدة ،، فاكيد انهم حياخدو اعلى ميتين معدل ،، لكن للأسف احنا سنة تحضيرية نعم ولكننا قسمين ،، فبالتالي العدل انو ياخدو مية من كل خطة ،، وبالتالي يكون التنافس قوي وشديد ،، ويستحق المنافسة ،،، عشان لا احد يجي يحتج ويقول لو كنت في خطة أ كنت دخلت طب ،، او العكس ،،

اتمنى يكون كلامي واضح

العدل انه ياخذوا عالمعدل وبسسسسسس

تتوقعي انك لمن تدخلي اختبار احياء مذاكرة من نفس محاضرات الدكتورة ،، وفجأة تلاقي درجتك تحت العشرين ،، حيكون هادا نفس كلامك ؟؟؟ انا ما بقول هادا الكلام حسدا ً فيكم لا والله الهي ان شاء الله كلكم تجيبوو فل مارك والله يعلم انكم زي اخواني كلكم ،،

بس انا اقصد انو في ظلم ،، لمن اتنين يدرسو نفس المادة ،، بس واحد عندو الاسئلة والتاني ضايع في بحر الاحياء ،،،،

ومافي شي اسمه مافي عدل في الخطتين ؟؟؟ كلنا بندرس نفس المواد اذا مو في الترم الاول في الترم الثاني

نفس المواد نعم ،، ولكن مو نفس الطريقة ،،، يعني مثلا انتو في الكيميا دخلتو الاختبار الاول بخمسة فصول ،، على الرغم من انو احنا دخلناه بتلاتة فصول ،، فايش رايك في عدل ؟؟ وكلنا بندرس نفس الشي ؟؟

واذا قصدكم على ان خطه ب كان فيها سوء تنظيم الترم الاول وعلينا احنا عدلوا الاخطاء ونظموا اكثر نفس الشي بيصير معاكم في الفيزيا والرياضيات

يعني قصدك لمن انا ادرس احياء واجيب 70 وانتي تدرسيه وتجيبي 100 ،، ووالفيزيا انا اجيب 100 وانتي تجيبي 70 ,,, دا يمسى عدل ؟؟؟

انا حسيبك انتي تجاوبي على نفسك ، يمكن ما كانت واضحة الامور بالنسبالك ،،
بس انا رأيي ،، عشان لا احد يتحجج بالخطط ،،،
العدل انو ياخدو من كل خطة نفس العدد

المشاركة الأصلية كتبت بواسطة υикиσωи انااا مع فيونة ... اتوقع انوووو كلنا بندرس زي بعض ... واكب دليل اختبار الكيميا ... ولساعهم في حركتاهم ابو نص كم .. سواء لينا في دا السمستر او ليكم في السمستر الماضي .. بعدين اناا دحين منجد ايقنت انووو خطة ب زي ما احنا دحين تماامااا .... لانوووو لوو مافي بنات جايبين معدل 5 ..كان غيرت رأيي بسس مدام في ناس جايبينووو يعنيي اكيد دولي ما جووو من الفضاء

احنا بندرس زي بعض في نفس المواد ،، الاسماء فقط ،،

ولكن الطريقة تختلف ،، يعني لمن تدخلي اختبار احياء وعندك الاسئلة غير لمن تدخليه وماعندك ولا شي وبتذاكريه لحالك ،،،
ونفس الشي لمن انا ادخل الكيميا بتلاتة فصول وانتي تدخليه بخمسة ؟؟

انا ما بتكلم عن انو انتو احسن مننا او احنا احسن منكم ،، انا بتكلم انو مافي عدل كدا ،، لانو الطريقة مختلفة ،،،

وبيني وبينك ،، انتي ايش شايفة اصعب ،، الترم هادا ولا الترم الماضي ؟؟؟

ترا احنا درسنا المواد الصعبة في اول ترم في الجامعة ،، دا برضو يفرق ،،

صح في النهاية نفس المواد ،، بس في فرق لمن تكون في عندك تجارب قبلك ،، ولمن تكون انتا اول تجربة ،،

حتقوليلي انكم درستو الفيزيا والرياضيات اول مرة كمان ،،

حقولك تتوقعي المعلومات اللي في الرياضيات والفيزيا زي اللي في الاحياء اللي كلو معلومات بالانجليش وحفظ ،، او زي الاحصاء اللي اول مرة ندرسو في حياتنا ؟؟ على الاقل الرياضيات والفيزيا كلها معلومات عامة ، درسناها من قبل بس مجرد بالانجليش ،،،

وبالنسبة للي جايبين معدلات كاملة ،،، احنا ناخد بالغالبية يا اناون ،، لانو في كل مكان عباقرة ،،، وبقولك شي ،، ترا احنا رفعووونا في الاحصاء ،، وانا اقدر اضمنلك انو مافي ولا احد جاب 5 بالورق ،،، لكن الرفعة خلتهم يجيبو خمسة << والمسؤولية على دكتور الاحصاء لانو هوا اللي قلي بنفسو ترا مافي احد جاب فل مارك ،،، بس هما رفعو ،، لانو لازم يكونو في ناس فل مارك مو معقول يعني ،،،
لكن برضو انتي شوفي العامية ،، الرسوووب في خطة ب أكتر بكتير من الخطة أ ،،، لكن الله يستر بنهاية الترم هادا لا نصير متساويين !!

اعيد واكرر ،، انا ما اقول انو احنا بنحسدكم او احنا حاقدين عليكم او انتو انانيين وما تحبو الا نفسكم ،،
انا بس بقووول انو ماكان في عدل وصح نفس المواد بس في اختلااااف كبير في الطريقة حقت التدريس ،،،
سواء خطة أ او خطة ب


عشان كدا انا اشوف الحل المقترح ،، فعلا ً فكرة جوهرية ،، وبصراحة عين العدل ،،،


والله يوفق الجميع ،،،

واعتذر من الجميع لو اسأت لأحد وانا ما ادري ،،، وارجو انو يكون بيننا نقاش ،، وليس قتال


وبالتوفيق جميعا ً ،،،