مرحبا أختي الكريمة ..
بما أنك درستِ في الجامعة العربية وجامعة الملك عبد العزيز فكيف ترين الجامعتين من النواحي التالية:
1- التنظيم والمتابعة وإستلام الجداول والكتب.
العربية المفتوحة تكون تايه ماتعرف وين تروح اذا كنت مستجد لازم تروح وتسال بنفسك مافي اي شئ يوضح لك مافي تنظيم الجداول بعد ماتنزل جدولك عن طريق موقعهم تجي الجامعة وتدفع وتاكد جدولك طبعا انت تختار المواد والمواعيد وفي كذا موعد للمادة اللي يناسب في اكثر من محاضرة في المادة في الاسبوع والكتب تستلمها منهم وتدفع حقها غير حق التسجيل واذا عندك احد خذ كتبه احسن السالفة كلها فلوس بالنسبة لهذا الشئ جامعة الملك عبد العزيز في توهان بس الموقع يوضحك كيف وبعد كذا تجي الجامعة وتستفسر وهنا جامعة الملك افضل من العربية المفتوحة مو معناتها انها ممتازة في التنظيم والمتابعة بس افضل من العربية المفتوحة والكتب تشريها من المكتبة والجدول ينزل لك على الاودس
2- الإتصال بين أعضاء هيئة التدريس ومدى مرونتهم مع الطالب وسماع صوته.
الاساتذة في العربية المفتوحة طيبين وحبوبين للامانة وممتازين في التعليم هذا بالنسبة لقسم البنات ما ادري لقسم الشباب كيف ومتعاونين بس الاسئلة احيانا تكون صعبة مررة وكثيرة انا اتكلم على اعضاء هيئة التدريس مو الاداريات والمسؤلات بالعكس اما جامعة الملك عبد العزيز لسه ماشفت شئ دوبي مستوى 2 بس الين الحين البعض منهم متجاوب ومتعاطف معنا بالرغم اني اشك في التصحيح احيانا
لانه الواحد يحل ومتاكد من الحل ويجي النتيجة عكس مايتصورها فا اظن في شوية ظلم من الناحية هذي ولا ايش تفسر اغلب البنات جابو 60 من 100 في التحليل او الكل على الحافة وللامانة استاذ مو استاذة الله يعين الجميع بس كا بيدنا شئ ننظلم ونسكت
3-التنظيم والترتيب في الدراسة وحل المشاكل التي يواجهها الطالب.
هنا الملك عبد العزيز افضل من العربية في التنظيم والترتيب وحل المشاكل نوعا ما واعيد افضل منها لايعني انها ممتازة
4-قوة مناهج الجامعة
يعني كيف مافهمت ؟؟
5-قوة شهادة الجامعة بعد التخرج
اللي اعرف ان كل الجامعتين معترف فيهم والعربيه المفتوحة عن عهد قريب اعترف فيها بس جامعة الملك عبد العزيز معترف فيها دوليا وافضل الجامعات في المملكة حتى اهل الرياض يجون عندنا 
6-فعالية النظام (التعلم عن بعد) في الجامعة ومدى إستفادتك منه
اللي ينطبق عليه كلمة تعليم عن بعد 100% جامعة الملك عبد العزيز لانه فعلا عن بعد تداوم من بيتك وماتجي للجامعة الا في الاختبارات النهائية
جامعة العربية المفتوحة مطلوب منك حضور 25% يعني على حسب المادة تحضر بالنسبة لمستويات الانجليزي 1 و2 لازم تحضر يوميا الزامي عشان حيكتب في شهادتك عدد الساعات اللي حضرتها
بس الحضور على حسب المادة في مادة مرة في اسبوع او مرتين في الشهر ولازم تحضر مع اني ما الاحظ انهم ينتبهون او يسجلون حضورك حتى اسمك مايعرفوا والدراسة بعد كذا كلها انجليزي من بعد المواد العامة 
وأخيراً كلمة أخيرة في الجامعتين ..
انا اتكلم عن قسم البنات في كل الجامعتين بس بالنسبة لي اللي شفته احسن جامعة اللملك عبد العزيز
العربية المفتوحة جامعة بريطانية وهي اسم بس انك تدخل فيها وشهادتها معترف فيها واذا انت ممتاز في الانجليزي ومتفرغ لها ادخل فيها انا اللي لاحطتة فيهم انهم ماديين مايهتموا لمصلحة الطالب كفاية المبني اللي ندرس فية لهم سنتين يقول بنغروا بنغيروا ولا غيروا
كل الجامعتين شف فيها عيوب صراحة بس مومعناته مالهم مميزات لا لهم بس العيوب احيانا تغطي
بالنسبة لي جامعة الملك عبد العزيز
انا درست في العربية المفتوحة سنة ونص <<< خسارة 15 الف ريال
وماعادلولي المواد
هنا بس ايش اسوي خيرة
لأني جدا محتار بين الجامعتين لذا تقبلي إعتذاري على طول أسئلتي ودمتي بصحة وعافية ..