[صوت الفجر]

السلام عليكم ورحمــة الله وبركاته

قبل فترة سويت ورق عنب كانت مُغامرة مني والحمـــد لله نجحت المغامرة

اول شي اشتريت ورق عنب المعلب فكيت الورق عن بعضه وسلقته في ماء حار لمدة 7 الى 10 دقائق

بعدها تركته لينشف شوي بعدها بديت بحشو ورق العنب

الحشوة:

اول شي قطعت بصلة وشوحتها ع النار لين صار لونها ذهبي بعدها حطيت فوقها حبة طماطم
وماجي و ملح الليمون وبهارات وشوي صلصة لين تسبكت تمام بعدها اضفت الرز عبارة عن بيالتين
رز مغسولة ومنقوعه في ماء حار .. حطيت فوقها المويا بس ما اخلي الرز يستوي تمام تقريبا ثلاث ارباع استواء

نحط بقدونس وكزبرة ونتركهم لين تنشف مويتهم ونترك الرز شوي يبرد ..
نبدى بحشو ورق العنب اول شي اوريكم شكل الورق



هذا شكل الورقة طبعا هذي العلامة المربعة اللي بالاسود نشيل هذا الجزء الصغير كذا يصير بعد ما نشيلة



تمام ؟

بعدها نضيف في الوسط حوالي ملعقة صغيرة من الحشوة



نلفها بهذا الشكل








نخلص الكمية وبعدها نجيب قدر ونضيف له كطبقة بالاسفل بطاطس مقطعه دوائر بهذا الشكل ونط فوقها زيت ..



نضيف بعدها ورق العنب ونحاول مانخليه يجي بالاطراف



بعدها نجيب صحن نضيف له تقريبا كوبين ماء و ملعقتين كبيرة صلصة و زيت و ملح الليمون تقريبا ربع ملعقة صغيرة
ونضيف كمان ليمون حوالي ربع كوب وشوي ملح << اهم شي مانكثر ملح الليمون لانه حامض جدآ
بعدها نجيب صحن زجاجي ونحطه فوق ورق العنب << عشان لايتفكك ورق العنب وقت الطبخ ..

بهذا الشكل



نضيف الحين الخليط اللي سويناهـ ونقفل قدر الضغط ونتركه تقريبا ساعة بس كل بعد نص ساعة اشوفه
انا تقريبا اخذ مني وقت ساعة ونص كنت كل شوي افتح القدر عشان اتاكد ان المويا مانقصت (:

واخيرآ خلصنا وهذا الشكل النهائي