ميسسس الحين اتذكرت الورقه اللي فيها القوانين فيها قوانين هاذي الامثله مو صح ؟!!!!
بديت اشك بنفسسسسسسسسي
|
أيوة صح
راح تلاقي فيها قوانين ماتخصنا لأن الورقة خاصة بالإنتظام أصلا بس راح ينزلوها لنا كمان في الإختبار
الدكتورة إكرام قالت خذوا منها اللي عليكم وطنشوا الباقي
ليش مو عارف إيش تذاكري ؟؟؟
أفولك محذوف يعني انبسطي وخففي عن نفسك
أحسك مشتتة ومتوترة يمكن لأنك كنت بتشوفي أشياء محذوفة وطبعا ماانشرحت فحسيتي إنك موفاهمة
أسمعي مني
أول شي أمسكي الفصول النظرية ( أحياء ، فلك ، بيئة ) حلوين وسهلين ذاكريهم بهدوء واخلصي منهم
وركزي مررررررررررررة عالأحياء وبعده الفلك وبعده البيئة
بعد ماتخلصي منهم أبدأي في الكيمياء أول شي ذاكري منه الجزء النظري وافهميه كويس لأنه الأساس بعدين ادخلي في تطبيق المسائل فيه افهمي كويس القانون ورموزه وإيش معناها
بعدين طبقي المسالة عليها تطبيق مباشر ( رتبي المسألة طلعي منها المعطيات واكتبي عليها رموزها بعدين طلعي المطلوب وحطي رمزه وأبدأي حلي )
كده راح تتسهل عليك إن شاء الله وتتيسر
بعد ماتخلصي منها أمسكي الفيزياء ونفس الطريقة نبدأ بالنظري نفهمه كويس نطبق في القوانين
الفيزياء إن شاء الله ماراح يتعبك لأن قوانينه مو حفظ راح تجي جاهزة بس خذيها وطبقي عليها
أهم شي تكوني فاهمة الفانون وعارفة فين تستخدميه
ولو حابة نزلي شرايح إكرام للكيمياء والفيزياء لأن اتوقع التمارين والتدريبات عندها أكثر من عند سامية
تساعدك في المذاكرة والتأكد من فهمك
ولاتنسي مواقع التدريب التفاعلي والأسئلة اللي نزلوها الأستاذات برضه تساعدك
لكن لاتحليها أبدا إلا بعد ماتذاكري الفصل كويس وتنتهي منه يعني خليها كأنها اختبار
الأسئلة اللي من الأجزاء المحذوفة عندنا اتجاوزيها لا توقفي عندها ولا تفكري تحليها
ياسمر لا تتوتري وشيلي الخوف من بالك راح نعديها يعني راح نعديها بحول الله
اتوكلي على الله بس وخذي بالأسباب وربي يفتح عليك ويوفقك
لو باقي مابدأتي في المادة إبدأي ولاتشيلي هم تراها في أخر أسبوع يعني إن شاء الله في وقت حتى تراجعيها
أي شي تحتاجيه أنا في الخدمة إن شاء الله وإن شاء الله أقدر أفيدك