وعليكم السلام ورحمة الله وبركاته
هلا : )
لاتقلقي من دا الموضوع لانه له حلول ،،
وبعدين انا مو متأكدة من هالشيئ ،، انما خبروني به صحباتي الي تخصصوا هالسنة هندسة ، وماني متأكدة من صحته ،
لم اتخصص الترم الجاي بخبركم بالاكيد ،
اما الحلول ،،
* الأول زي ماقلتي انك بعد التحضيري تعتذري عن الترم وتوقفي ،، وتتخصصي من بداية السنة من البقية ..
* او الحل الثاني وهو الافضل احسه ،، انك ماتوقفي الترم ويمشي عليكي بدون دراسة ،، وانما تاخذيه مواد عامه ومواد حرة ..
تعالي احكيكي اش هرجتها هذه المواد :
كل طالب في أي كلية سواء طب او اداب او غيره ،، مُلزم انه يآخذ مجموعة مواد خارج تخصصه واجبااارية مايقدر يتخرج الا لو اخذها ،،
وهي على ثلاث انواع : " عامه ،، حرة ،، اختيارية "
العامه | هي مواد اجبارية ومحدةة " مستوين عربي و4 مستويات ثقافة " لازم الكل ياخذها ،
الحرة | تدرسي مواد من خارج كليتك .. يعني انتِ هندسة ايوة ،، بس في كم مادة ممكن تاخذيها من الاداب او الحاسب او العلوم ... الخ
كيف تختاريها دي وعلى كيفك ولا ايش !
كل كلية تنزل مجموعة من المواد تنفع تكون حرة لجاراتها الكليات الثانية ،، وتاخذي منها ،،
كل طالب او تخصص يكون محدد له في خطته الدراسية كم مادة حرة لازم ياخذ ،، <غالباً ماتزيد عن 3 مواد طول سنين دراستك >
الاختيارية | هذه لم تتخصصي ،، هي مواد تاخذيها من الاقسام الثانية الي في كليتك ،،
يعني مثلاً انا متخصصة علوم حاسب ،، وفي خطتي الدراسية لازم اخذ مادتين اختياري ،، يعني آخذها من نظم المعلومات والتقنية ، هذه اقسام كليتي ،
وهكذه ،،
هذه المواد الشائع والطبيعي كيف ياخذوها الطلاب ! انه في كل ترم ينزل مواد من تخصصه مثلاً 3 او 4 ووحده او ثنتين اختياريه او عامه او حره ،
هي تكون غالباً سهله وخفيفة عشان كذا لم عندك ترم فيه مواد زحمة وصعبة ممكن تاخذي معاها حبه خفيفه منها على اساس ماتتعبي في مذاكرتها وتكسبي درجات وترفعي معدلك ،
وهكذا كل ترم حبة او حبتين الين تخلص ،،
بس ممكن انك تاخذي مجموعة منها في هالترم الي ممكن ماتتخصصي فيه هندسة ،، وتخلصي من اغلبها في ترم وتتفرغي بعد كذا لبقية مواد تخصصك ،
يعني ممكن تاخذي مستوى ثقافة ومستوى عربي و3 حرة ..
ممكن يكون كلامي حوسة ومو مفهوم ،، بس راح تفهمية لم تدخلي وكذا ،،
..
اتمنى اني افدتك ..
موفقه : )
: )