[Bo0oZy]

المشاركة الأصلية كتبت بواسطة mora مراااااااحب يا معشر التحضيري المكافح و المحارب كيفكم ؟؟؟ خلينا ندخل عالموضوع في شي لاحظتو .... بحسبة بسيطة من التواريخ الموجودة بقسم العمادة و القبول حندرس بعد الاجازة<<<< قصدي اجازة الاسبوع اللي حتجي بعد شوية,, باقيلها اسبوعين لمدة 6 اسابيع فقط لا غير ,,, هادا و انا حسبت معاها اسبوع اختبارات الدوري التاني>>> تخيلوا !!!! و بعد الستة اسابيع دي بالزبط حنختبر الاختبارات النهائية و نكون افتكييييييييييييييييييينا اخيييييييييييييييييرا من شبح السنة التحضيرية و تجي الاجازة السعييييييييييييييدة حبيت ارفع من معنوياتكم شوي و احسسكم انه اللي بقي اقل بكتييييييييييييييييير من اللي راح ,,, و كنت ابغاكم تفرحوا زي ما فرحت ,, لأنكم شاركتوني هذه السنة لأنكم مريتم باللي مريت فيه لأني ببساطة احبكم دمتم مبسووووووطين Mora

آآآآآآه أأأأخييييييييرااا قربنا من الحررررررية

والله مرسي يا مورا هانم على الرفعة الحلوة هدي ،،،

فعلا محتاجين تحميسات زي كدا ،،،

وبالنسبة للضغط .. احنا مضغوووطين خلقة .. عادي اتوقع ستة اسابيع كفاية يسوو فيها العجايب صح ؟؟


واتوقع انها حتكفي يخلصو المناهج حقتهم <<< لاحظو حقتهم احنا مالنا ككككك


وانا بس حبيت استغل الفرصة عشان اقووول

انو من جد راااح يوحشنا الكل ... صح الوقت بدري على هادا الكلام .. بس برضوو والله حتوحشووونا .. خاصتن انو ما شاء الله قسمنا التحضيري احسو انشط قسم في المنتدى .. وكلهم يد وحدة ما شاء الله ،،،

وانتي كمان يا مورا غالية علينا و we're gonna miss you too

أخـــ بوزي ــوكم