بسم الله الرحمن الرحيم
السلام عليكم ورحمة الله وبركاته
اولا كل عام وانتم بخير وعيد اضحى سعيد عليكم جميعا ادارة مشرفين اعضاء زوار
وربي يهنيكم ويتقبل منكم طاعاتكم وعيد سعيد على الامة العربية والاسلامية وعلى بلادنا الحبيبة
اعزائي اللي عنده فكرة يفيدني انا اريد ان اعرف اين سيتم اختبارات قسم علم النفس يعني بنفس الجامعة اللي كنا نختبر فيها سنة تحضيرية والا في موقع ثاني
اريد الموعد تحديدا بارك الله فيكم عشان الحجوزات والتذاكر وحجز الشقق في جده ماعليش ساعدونا احنا برى جده وصعب كمان بسيارة لازم طائرة ونبي نستعد من بدري وربي يوفقكم ويسعدكم
|
الاخت امل القريات وان شاء الله من عواده ويتقبل منك
حقيقة اخت امل هذا سؤال مهم وبنفس الوقت هذا يدل انك ما تطلعي على موقع الجامعة الرسمي وهذا حقيقة راح يفوت عليك الكثير اختي وكلامي هذا لك او لغيرك لجل ما تتوهقوا بالمواعيد
الجامعة مشكورة حاطة تقويم لجل كل طالب وطالبة يطلع عليه وهذا مهم جدا تعرفي المواعيد وتفضلي هذا رابط التقويم فيه كل الاحداث الي راح تسير في الفصل الدراسي بالتواريخ
ولابد منك على مدار ما انتي طالبة تكوني متابعة لعمادة القبول والتسجيل لجل تعرفي كل جديد
المنتدى وجد للمساعده ولكن فيه اوقات ميته ما تلقي احد يرد عليك وعادة تكون اوقات الاجازات و اوقات الاختبارات
يعني انتبهي لها النقطه من جهة بالنسبة للمكان. الطالبات اخباراتهم بنفس الجامعة وراح يبين معاك المكان ان شاء الله تعالى قبل الاختبار باسبوعين وان إن شاء الله تعالى عرفتي المكان تقدري بمساعده خريطة الجامعة تعرفي بالضبط وين المبنى لجل ما تنحاسي وهذا رابط خريطة الجامعة
وبالتوفيق لك يارب وكل عام وانتم بخير