[saroηa]

-




عندي سؤال : وش الفرق ما بين الموضف و الغير موضف او من يمتلك خبره سابقه ومن لا يمتلك
هل الاجراءات تختلف ؟
من حيث نوع الأسأله في المقابله
او يتم التصنيف الى اخصائي دون سنه لأصحاب الخبره مثلاً ؟

وهل الدورات و الاجتهادات الشخصيه ما قبل التخرج تؤخذ بعين الاعتبار ؟
يعني يسألونك وش الدورات اللي حاصل عليها او ما يهم الامر !!




-

المشاركة الأصلية كتبت بواسطة حسن المالكي الحمدلله الذي بفضلة تتم الصالحات رحت وقابلت اثنين محكمين ويسرها الله بفضل منه وتوفيقة ابشركم اجازوني , ورجعت للهيئة بالخطاب حق التقييم وفتحوه وعملوا لي ارشفة للتقييم على موقعي الي عليه بياناتي بموقع الهيئة وطلبوا لي البطاقة والشهادة وقالو لي بكرة ان شاء الله بعد الظهر اتصل علينا لو لقينا امورك تمام وتم الاعتماد من الرياض عبر الشبكة تجي ونطبع لك البطاقة على ورقة ونختمها لك الين بعد اسبوعين اما الشهادة حقة التصنيف راح نطبعها لك على طول من هنا هي البطاقة بس الى تصدر من الرياض ... طبعا حيكون (اخصائي مساعد) بعدها تروح الله ييسر لك تشوف لك مستشفي تعمل فية لمدة سنة وتجيب لنا خطاب تعريف انك عملت لمدة عام فى تخصصك وتجي تدفع لنا 200 فقط ونعدل لك القرار الى اخصائي إدارة وتستسلم شهادة وبطاقة جديدة طبعا انا من منطقة ( تبوك ) وهنا لا انسى ان اقدم شكر وتقدير لموظفي مكتب الهيئة فرع ( تبوك ) حقيقة قمة فى الاخلاق والتعامل الراقي اثنين شباب سعوديين رائعين ( احمد و عبدالرحمن ) اسأل الله لنا ولكم التوفيق ....

ممكن تفاصيل المقابله لو سمحت

المشاركة الأصلية كتبت بواسطة h-nurse بسم الله الرحمن الرحيم أنا اختبرت الاسبوع الماضي في جدة . كان الاختبار في جامعة الملك عبدالعزيز في مركز الملك فهد للبحوث الطبيه داخل الجامعة .. طبعا انا قدمت اوراقي في بداية شهر رمضان وجاتني رسالة موعد الاختبار قبل الاختبار بثلاثه ايام .. اخذت بعض الكتب والمراجع وبديت اقرأ فيها واراجع معظم اللي درسته وبرضه اخذت مذكره من هنا بالمنتدى وقريت فيها ... يوم الاختبار حضرنا خمسه ذكور وثلاث إناث .. البداية اختبار تحريري ورقي فيه 5 اسئلة الاول والثاني اسئلة عامه عن شروط صالة العمليات وعناصر الرقابه .. السؤال الثالث صح وخطأ كان يتكلم عن مادة التأمين الصحي بشكل عام ومفصل.. السؤال الرابع كان اختيارات عن الادارة العامه بشكل عام السؤال الخامس وهو المهم وكل التركيز عليه يعطيك 25 مصطلح بالانجليزي وانت عليك تعرفها بالعربي او الانجليزي ولك حرية الاختيار .. المهم ماتكون ترجمه حرفيه للكلمات .. .................................................. .................................................. .................................................. .............. اما بخصوص المقابله فكانت مع الدكتور حسين برعي والدكتور عمر الشرقي ... صراحة كان استقبالهم لنا بوجه بشوش وتملؤه الابتسامه ووالله كان هذا الشي يعطيك اريحية تامة في المقابلة والاجابة على الاسئلة طبعا في البداية لازم تتكلم عن نفسك باللغه الانجليزية تعطيهم ال cv بتاعك وبعدها يسألونك كم سؤال تجاوبها انت بالانجليزي من ضمنها اذكر خمسه اقسام في المستشفى اذكر اسم خمسه امراض سألوني عن التصنيف الدولي للأمراض ايش هوا وايه الفيرجن اللي نحن فيه الان ايضا ماهو مرض كورونا وماهي سبل الوقايه منه وايه الاجراءات الاحترازيه اللي بتعملوها في منشأتكم الصحية لمواجهة هذا الوباء .. كان هذا السؤال موجه لي لإني ممارس صحي واعمل في مستشفى .. بصفة عامه كان الاختبار والمقابله سهلة نوعا ما .. وبالنسبة للخبره ماراح تفيد بشي الا في الاختبار والمقابله .. ماراح تفيدك في التصنيف .. انا ممارس صحي ومافدتني خبرتي بشي .. أي استفسار اخر ارجو مراسلتي هنا او ع الخاص ونحن في خدمتكم ولا نريد منكم سواء الدعاء في ظهر الغيب وفقكم الله لما يحب ويرضى

اذا ممكن تذكرلي المراجع اللي فادتك
والسؤال الخامس هل كان كله من مادة مصطلحات طبيه !
و لو تجاوب على الاسأله اللي في المقابله اكون ممنونه
اخر سؤال : مهتمين بخصوص الدورات ! و ذكرت انه الخبره ماتفيدك لكن هل تختلف الاجراءات و أسألة المقابله !