[white rose]

المشاركة الأصلية كتبت بواسطة بنت خديجة السلام عليكم ايش رايكم في جدولي أدب نحو وصرف صوتيات شباب قيم ومواطنة ابغاكم تعطوني فكرة عن مواد التخصص من حيث الدسامة والصعوبة ورايكم أبدأ في مذاكرة اي مادة

وعليكم السلام ورحمة الله وبركاته

هلا اختي

جدولك طيب المقدمة تعتبر دسمة وتحتاج وقت بالمذاكرة ود. سوزان عادة ما تلتزم بالمفردات فحاولي انك تسالينها عن طريق الايميل اش راح تكون القصص والمسرحية والشعر المقرر عليكم وهنا تلاقي منهجها للترم الماضي + وسائل الاتصال بها : 10


النحو عادة اربعة شباترات مقررة عليكم يعتبر متوسط بس يبغاله تركيز زين وعادة اللغويات زي الصرف والصوتيات والنحو يكونو زي الرياضيات 1+1=2 يعني عبارة عن نفس المنهج في اللغويات بس متشعب شوي وفيه تعاريف وشروحات وتعداد يبغالهم تركيز وفهم طيب واستفيدي من الشروحات اللي بهالموضوع لكل مادة منهم : ◈:|: فهــرس مُلخصـآت مــواد قسم اللُغَـات الأوروبيّــة لِـ العام 1435هـ - 2014 م :|:◈

وابدائي براحتك اللي ترتاحي لها ابدائي فيها لو قراءة مبدئية تعرفي عن اش المنهج وتبداين تحفظين الكلمات الجديدة والتعاريف

الله يوفقك :-)

المشاركة الأصلية كتبت بواسطة noxxxxx السلام عليكم , بنات هذا جدولي كالاتي : صوتيات علم اصوات نحو نقد ادبي صرف ادب حديث الادب الحديث اضفته بدل الابلايد ما ادري هل انا كذا في السليم ولا تنصحوني بشي؟

وعليكم السلام ورحمة الله وبركاته

حياك الله اختي

بالنسبة للصوتيات وعلم اصوات لازم تعرفي انو عشان تفهمين كلاسات علم اصوات لازم تذاكرين قبلها الصوتيات ومهم تذاكرينها قبل الدورة حقتكم عشان تقدرين تستوعبين اش تقول المس بالكلاس عنها

واقترح انك تنزلين الفكشن هالترم وتحذفين الادب الحديث لانه كورس متقدم عليك وفيه صعوبة مو سهل

وفي حالة انك درستي الفكشن والدراما يصير نزلي بداله شكسبير واحذفي الصرف من جدولك لانو المفروض جدولك يحتوي على مادتين ادبية اقل شي وشكسبير منهجها يعتبر متوسط بس مسرحيتين ويعتبرو خفاف والمادة متوسطة

البقية تمام وحاولي انك ما تزيدين عن خمس مواد باي حال عشان تنجحي فيها كلها وتفهميها زين لان الكثرة بدون فهم ما هي طيبة على المعدل فانتبهي

وشدي حيلك ربي يوفقك :-)