عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 10-09-2013, 07:33 PM   #2

LeLou

الصورة الرمزية LeLou

 
تاريخ التسجيل: May 2010
كلية: كلية العلوم
التخصص: PHYSIX
نوع الدراسة: إنتظام
المستوى: التاسع
البلد: جــــدة
الجنس: أنثى
المشاركات: 2,161
افتراضي رد: ماذا أتعلم بالإضافة إلى اللغة الانجليزية؟

و عليكم السلام و رحمة الله و بركاته..

أمممم من وجهة نظري المتواضعة جدًا لأني كنت في يوم زيك نقرتين لعرض الصورة في صفحة مستقلة..
أنا أشوف أهم لغة الواحد يتعلمها بعد لغتنا الأم هي الإنجليزية..
ليش!
لأنه ببساطة هي لغة العالم..
اللغة المحايدة اللي أغلب الناس بتستخدمها حول العالم اللي بتقدري تتواصلي فيها مع أيًا كان في أي مكان و تسهل لك مرة كثير في حياتك..
و ما أبغى أتطرق للتساهيل اللي بتعملها لك الإنجليزي..


يليها مباشرة تعلمك للغة بلد راح تعيشي فيه << يعني تعلم إضطراري..
يعني زي مثلاً لو طلعت أعيش في أسبانيا راح أضطر أتعلم أسباني و هكذا..

فيما عدا ذلك أنا أشوفه مضيعة للوقت..
أيش ح أستفيد من الياباني حتى لو اتعلمته؟!
الإنجليزي فادني كثير في حياتي لكن الياباني أيش ح أستفيد..
رغم أنه أنا شخصيًا أسمع ياباني في اليوم أكثر مما أسمع عربي و إنجليزي أحيانًا..
و اتعلمت كثير من اللغة دي من الاستماع فقط + التصفح ع النت..
و أعرف أكتب شوية..
لكن ما اهتميت أني أنمي دا الشي لأنه شفت أنه لا يستحق مضيعة وقتي فيه،، قدامي أشياء كثير أتعلمها..
أقرأ كتب في تخصصي مثلاً..
أتعلم أنطق عربي صح و أقرأ قرآن كويس..
أنمي حصيلتي الإنجليزية..


بصراحة أنا ما أبغى أحبطك إذا تبغي تتعلمي الله يقويكِ لكن نصيحتي شوفي أولوياتك بالأول..
+
أنا شخصيًا في مرحلة من حياتي قبل حوالي سنة تقريبًا صرت حتى إنجليزي ما أعرف أتكلم..
عربي ما أعرف..
لما أقرا قرآن أعيد الآية كذا مرة من كثر ما هي مخارج الحروف غلط..
السبب: كثرة السماع للياباني،، و تعلمي للياباني كان كمتحدثة لغة إنجليزية كمان و ليس كمتحدثة لغة عربية..
صرت أتكلم إنجليزي مرة كثير و أحاول أرجع أزبط مخارج الحروف العربية عشان أستدرك اللي خبصته مع نفسي..
و بعدها قررت في قرارة نفسي أني ما أضيع وقتي في تعلم الياباني رغم أنه ودي..
لكني أشوف أنه أتعلم أشياء جديدة في تخصصي أولى بكثير..


دي وجهة نظري المتواضعة و أعتذر ع الإطالة||~

 

توقيع LeLou  

 

ZERO じゃない


...............................

سبحانك اللهم و بحمدك،، أشهد أن لا إله إلا أنت،، أستغفرك و أتوب إليك..

::

 

LeLou غير متواجد حالياً   رد مع اقتباس