[نانونا]

الموضوع مهم لأني يومين ما سبت أحد إلا أسألو عن الكيميا .. و الكل يقووووول باااااااااااااااااااااااااااد و حتى البنات الشطاار ما شاء الله عليهم جابوا العيد و خرجوا يبكوا ..
من الوجهه النظرية للمسائل و العدل بين الفصلين .. فهو من اساس الموضوع لااااااااااا يوجد عدل بين طلاب الترم الأول و الثاني و السبب انو السنه التحضيرية طارئ جديد في الجامعه فطبيعي بيسوو أنظمة طول الوقت و ما رسوو على شي (ممكن تسمونا حقون تجارب و الجامعه مضطرة تطور من مستواها فإحنا اللي اتورطنا و الله يعين)
فمن هنا أقوووول انو المقارنة بين طلاب أ و ب مررررررررررة غير موجوده و انا ما اتوقع كلييييييييييييا إنو الأسئلة جاتهم بدي الصعوبة و السبب انو سألت كم بنت عن مستوى علاماتها في الاختبار الاول و قالت انو فوق العشرين .. اما لو جينا للعلامات اللي حتطلع لنا و الله اعلم .. فما اعتقد انها تعدي 19 و اللي يعدي شااااااااااطر ما شاء الله عليه..
معليه الاختبار 30 سؤال خلال 90 دقيقه .. كل سؤال ليه شغلة 3 دقايق فقط .. ما بين تشغل مخك عشان تعرف الفكرة ..و تقريبا 2 سؤالين فقطططط إللي كانو نظري (الآيزوتوب و نظرية باولي) غير كده ضيعنا وقتنا في البيت و احنا نترجم الانجليزي لأنو كل الباقي كانت مسائل + أفكار جديده ..كل صحباتي اللي سألتهم حتى اللي معدلاتهم 5 الترم الاول .. خرجوا يبكوا.. مهي غريبة مع الاسئلة اللي جات ..
و أضيف عالكلام اللي قلتوه حق انو في سؤال اكتشفنا انو غلط (اللي هوا أس سالب واحد) .. نعم انا حسيت انو غلط و للأسف ضيعت وقتي فيه و كان في اول صفحه .. لمن عديتو بلا نتيجه اكتشفت انو بعدو كل الاسئلة اصعب منو ..يعني بالله سؤال غلط يضيع وقتنا ما يعتبر خطأ منهم انو في النهاية ما مدانا الوقت نحل الباقي.. الى أن تفنن جمييع الطلبة في اختيار الاجابات اللي تروقهم او استعمال نظرية (حقرة بقرة قلي عمي عدي ل10)
غير انو الاستاذات بس يرجونا ( بسرررررررعه حددو ما بقي وقت ) << دا الشي خلاني سؤالين كنت عارفة طريقة حلهم مع الارتباك ما حليت ولا واحد صح .. ورجعت البيت و بالهداوة افتكرت الحل و عرفت اني غلطت .. مووووو غباء بس مااااا كااان في وقت = ما كان فيه تركيز = أسئلة بزيادة افكار حتى انها صارت ما تقيس ذكاء الطلاب .. لأنو فعلا لو فيه وقت كان والله كثير قدرو يحلوها... و مع ذلك اقول انو اللي يبغى يقيس قدرات الطلاب .. يحط سؤال سؤالين ذكاء افهم .. مو 28 سؤال = 28 درجه ........
الله يعوضنا خيــــــــــــر يا رب .. و ان شاء الله يعيدولنا بأسئلة معقولة في زمن معقول و اسئلة الذكاء ما يكثروا منها .. لأنو طلاب الجامعه من مختلف مستويات فحرااااااااااااااام يحطو اختبار زي كده مستواه عالي و يظلمو الطلاب.
يااااااااااااااااااااا ربي إن كان في الإعاده خيــــــــــــــــــــــــــــــر لنا فقدمها لنا و وفقنا لما تحب و ترضى..