[بكرى أحلى]

تعوذ من ابليس وانا اختك ذكرتني بأيام الثانويه وخذها هالقصه عبره لك ولا تييأس
كنت مطنشه الاختبارات واذاكر اي كلام لين ماجبت في الرياضيات 3 من 15 اقل درجه على الفصول العلمي كلها << وهذا على كلام الأستاذه

وسبحان الله بعدها مسكت الكتاب عدل وجلست اذاكر مثل الأوادم و عدت الاختبار جبت الحمد الله 14 وربع من 15 وكانت تقول لي لما عطتني ورقة الاختبار وناظرتني بعيونها اجاباتك كانت نموذجيه ماشاء الله

فلا تيأس مثل ماقالوا اللي قبلي ماتدري وين الخير بالعكس هذي مثل الضربه اللي تخليك تركز على كل كلمة وحرف وممكن راح تطلع بأذن الله من المتوفقين والأوائل في كل المواد من هذي الضربه
الضربه اللي ماتموتك تقويك
خلي الضربه تقويك, ومايعني انه اصحابك نجحوا فيها يعني متوفقين بالعكس ماتدري مين بالنهايه يضحك
والفشل مو معنى انك انت فاشل الطريقه اللي ذاكرت فيها هي الفاشله !!
والجامعه غير عن المدرسه نهائيا
يعني تقدر اخذها بأذن الله متى مابغيت اهم شئ لا تيأس
وياما سمعت في الجامعه هنا رسبوا كم مره مو مره وحده في الماده الوحده لكن ماشاء الله عزيمتهم ماانتهت ولا أنخفضت

فأنت اللحين ذاكر واجتهد وتوكل على الله
ودايما ادعي اللهم افتح علي فتوح العارفين وفهم النبيين وحفظ المرسلين
والله يوفقك يارب وتجيب في هالماده a+ يارب ومتأكده بأذن الله انك بتجيبها