[تيفو]

المشاركة الأصلية كتبت بواسطة نص دافور والله يا أخوان اذكر قصة قبل ممكن 4 او 5 سنوات طالبات راحو يقدمون على الجامعة ، فردوهم مافي قبول وسكرو الباب في وجههم المهم تجمعو البنات كلهم وصارو يدقون الباب مافتحو كسرو الشبابيك وكسرو الباب ،،، المسؤولات عن القبول اتصلو بالشرطة وحضرت بالفعل قالو البنات مانروح من هنا حتى نقدم مافينا نقص عن غيرنا ،،، بلغو الداخلية وصلت للملك السالفة ، رد الملك الله يطول بعمره اثلج صدور الطالبات وصدورنا وربي قال كيف تسكرون الباب في وجه الشعب ، واصدر امر يتم قبولهم كلهم فوراً بدون قيد او شرط . والله لو اني متخرج حالياً يشهد الله ما خلي طريقة نظاميه او غير نظاميه لين اسويها ، احنا يوم قدمنا انتساب كاتبين التدريس من ظمن الوظائف اللي يشملها الانتساب انجليزي . ولو حبو يغيرو النظام لابد من عمليتين يسونها : الأولى : ابلاغ كل متقدم جديد عند التسجيل بأن الانتساب لا يدرس ولا يقبل في التربية والتعليم . الثانية : القرار ما يمشي على اللي سجل سابقاً ودرس وباقي شوي ويتخرج ، يتعامل معاملة الذين سبقوهم واتخرجو . هذا الأمر في كل دوله وفي كل وزارة وفي كل ادارة . شوفو حل لكم ، تجمعو عدد كبير وبلغو جريدة سبق وجريدة الرياض وجريدة عكاظ ، وروحو للتعليم وروحو للخدمة وروحو لكل محل ممكن يجيب نتيجة ماشفتو نتيجة روحو لوزير التعليم ماشفتو نتيجة روحو للملك طول الله عمره ما حد يمنعكم معكم حق وحق شرعي بعدين . الوضع أشبه ما يكون كالذي باع سلعه واستلم الثمن ولم يسلم السلعة . باعو لنا الدراسة ودفعنا ثمنها ودرسنا وهم استلمو ثمن تعليمنا والتعب والجهد والسهر وفي النهاية لم يسلمونا الوظيفة .

كلامك عيييين العقل وسليييم مليوون في الميه كلنا ماسجلنا في هذا التخصص الا بعد ما تأكدنا انهم يقبلوا تخصص انجليزي انتساب ولمن تخرجنا يصدمونا بالقرار المجحف لكل سنوات الدراسه والمبالغ الي صرفناها والمكاسب الي كسبوها من ورانا واذا ما راح يقبلونا يرجعوا لنا فلوسنا وياخذوا شهادتهم اللي بدون فايده... واللي يقول ان الارزاق بيد الله ونعم بالله بس مانستسلم ونرضخ لقراراتهم ونتركهم بدون أي مطالبات احنا وكل اللي اعرفهم مادرسوا التخصص هذا الا للإلتحاق بالتعليم ولا نبغا نحني رؤوسنا ونرضى باللي هم يوجهونه لنا,, احنا وجهنا انفسنا من البدايه وراح نكمل للنهاية ,, اتمنى منكم تحديد يوم للذهاب للوزارة والمطالبة بمقابلة الوزير شخصياً ولا نرضي بغيره وشرح مايغفل عنه وهو عدم شمل الجميع بهذا القرار وانا لو كنت اعرف من قبل خمس سنوات انهم مايقبلو انتساب ما كان ضيعت عمري وجهدي وفلوسي في الدراسه ويجون على آخر سنه يتخذوا قرار لا علم لهم بخلفياته وبعدين فين المشكله من قبول خريجي انتساب الانجليزي.. هل هناك مخرجات فشلت في تأدية الرساله والقيام بها على أكمل وجه وهل تجاربهم السابقه مع طلاب الانتساب كانت فاشله ولم ينتبهوا الا في هذا التوقيت بالذات علماً انهم متجهين لإدخال اللغه الانجليزيه للفصول الاوليه ( المرحله الابتدائيه كاااااامله ) يعني هناك إحتياج شديييد لخريجي الانجليزي ,, اتمنى من الجميع الوقوف وقفة رجل واحد وجابوها البنات راعيات الهمه والعزيمه ولنا الفخر فيهم فكيف بنا نحن الرجااال مانقدر نجيبها !!!!!
اتمنى من كل شاب متخرج او على وشك التخرج ومن انتسب في هذا التخصص من قبل صدور القرار ان يلملم جراحه ويشحذ همته ويقوي عزيمته بحسبي الله ونعم الوكيل ولاقوة الا بالله ونتجه كلنا مطالبين بحقنا وان لا نستسلم بحجة ان ابواب الرزق مفتوحه فأن ضعفنا في البداية فحتما سنضعف طوول العمر ولا عزاء لنا بعد ذلك,, واما حكاية هاشتاق وفيس وتويتر ما تنفع وستكون كمكالمه لم يتم الرد عليه ويمكن يعطونا مشغول .. ولاتدخلو البيوت من ابواب متفرقه وادخلو من باب واحد وخلونا ندك حصونهم دك اما نجلس خلف الشاشات وكل واحد يحط يده على خده ويطالع مشاركات من سبقوه فسنظل على هذا الحال الى أن نشيخ ..