رد: سؤاال عن تخصص علم النفس ؟؟
ما شاء الله اخونا clinical psychologist ما قصر ، بس حبيت افيدك عشان انا انتظام زيك و علم نفس و باقيلي سنة عالتخرج - بإذن الله -
المهم ، انا اقلك ، بالنسبة للفرع الي انتي في هو كلية الاداب ( الفرع الرئيسي ) ولا الفيصلية ؟
لأنو لو في الفيصلية ما عندي خبر انو فتحو تخصصنا فيه ( هو حيفتح بس لسه ما فتح )
المهم ، بالنسبة لسؤالك الاول طبعًا منه فايدة مافي شيء تدرسيه و تكرفي فيه 4 سنوات كل يوم محاضرات و كلاسات و تكاليف و تطلعي من غير فايده و غير عن كده يا اختي ترا كتبنا تكرر نفسها المعلومات ( الا من رحم ربي ) ..
يعني راح تستفيدي بإذن الله لحياتك الخاصة و راح تستفيدي منها شهادة عشان تتوظفي ..
اما انا بصراحة اشوف عكس ما قال اخونا على الوظائف ( اذا كنتي انتظام )
بالذات لتخصصنا الوظائف جداً متنوعة في كل مجال ( العيادي - الارشادي - التعليمي - الجنائي .. الخ )
يعني لو كان طموحك جداً عالي و عندك همة بإذن الله بتكملي دراستك و تتخصصي زيادة في علم النفس و تلاقي المسار الي تميل له رغبتك ..
اذا كنتي حتبغي وظيفة تربوية تعليمية راح تضطري تدرسي ( دبلوم تربوي سنتين ) بعد البكالوريس عشان تقدري تتوظفي في الجهات التعليمية
اما لو كان طموحك عيادي او كلينيكي فخطوتك حتكون الحصول على رخصة اخصائي نفسي من هيئة التخصصات ..
و لو كان عجبك المجال الارشادي تقدري تكملي ماجستير في جامعتنا
و لو عجبك الجنائي برضو في ماجستير جنائي عندنا !
يعني بإختصار انا اشوف تخصصنا زي الاخطبوط ما شاء الله من كل جهة طالع له فرع و مسار !
و طاقم اعضاء هيئة التدريس زي العسل ( الا كم حبة ) يعني راح يفيدوكي بمعلومات فوق الي المفروض تاخديها في الجامعة و هادا الشيء جداً افادني !
و موادنا جداً متنوعة و جميلة عشان مسارنا عام ( يعني حيكون الدراسة من كل بحرٍ قطرة )
بإختصار التخصص جميييل جميييل جمييييل و أعشقو و احس انه جزء من الحياة ..
و زي ما قال اخونا احس انه فعلاً المفروض كل شخص يتثقف فيه و يقرأ في :)
و بالنسبة لسؤالك عن التخصصات سمعت انها في شوال ، بس انصحك تتابعي الاستاذ عثمان على تويتر لأنو ما شاء الله اخبار الجامعة أول بأول في حسابه @kau_news
و لو عندك اي سؤال عن تخصصنا الجميل في فرعنا اسأليني :)
|