[اسيرالبحر]

المشاركة الأصلية كتبت بواسطة زهر* السلآم عليكم وعليك السلام ورحمة الله وبركاته عندي عدة استفسارات لـ تخصص اداره المستشفيات إن شاء الله تجدي الإجابة لجميع استفساراتك

اول شيء بسأل ان شفت الخطه الدراسيه وكان فقط 8 مستويات صح ؟
نعم صحيح ثمان مستويات في أربع سنوات

سؤال :- كم رسوم الدراسه ؟
ثلاثة آلاف ريال

سؤال 2 : سمعت هنا ناس تتكلم عن التحضيريه مافهمت ؟ كم مستوى بالضبط التخصص ؟ لآني لما نزلت خطته فقط 8 مستويات
السنة تحضيرية تاخذيها اول سنة يعني ترمين تدرسي فيها متطلبات الجامعة وكل ترم له دروس خاصه فيه تدرسيها وتختبري عليها وبعدين السنة الثانية تدرسي متطلبات الكلية ترمين السنة الثالثة والسنة الرابعة بها أربع أترام تدرسي بها متطلبات التخصص

سؤال 3 :- لما يقدم شخص على هالتخصص هل يضمنه ؟ لآن احنا من الشرقيه ؟ فمو فاهمه الاوضاع بجامعتكم فأفيدوني
لآن جامعه الملك فيصل يتم القبول فيها يعني سجلت اداره اعمال يتم قبول الشخص على رغبته والدراسه 4 سنوات هناك
فبسأل عبدالعزيز مثلها ؟
طبعا جامعة الملك فيصل اعتقد فيها سنة تحضيرية وكل الجامعات ماعدا بعض الجامعات مثل الجامعة الاسلامية و جامعة الامام اذا ما خاب ضني والسنة التحضيرية هذي تعتبر اعادة لما درستيه في المرحلة الثانوية وطبعا لو انتي مثلا منتظمة اذا انتي من المقبولات في العلمي راح يزيد معاك كيمياء وفيزياء واذا انتي مقبولة في الادبي حيكون معاك رياضيات واحصاء ولكن كمنتسب وتعليم عن بعد يدرسون مواد ادبية سهلة معاها الحاسب الآلي والرياضيات والاحصاء ولكن دراسته نظرية لو تروحي على السنة التحضيرية راح تعرفي ها المواد بالنسبة للقبول بعد السنة التحضيرية راح تختاري التخصص وبعدها تدرسي الترمين الي بعد السنة التحضيرية مواد متطلبات الكلية ويمديك كمان تغيري التخصص في نفس الكلية مثال لو انا سجلت بالجامعة راح ادرس سنة تحضيرية وبعد ما انتهي اختار تخصص مثلا بكلية الأعمال برابغ تخصص تسويق المهم بديت أدرس ترمين متطلبات الكلية فجيت وغيرت رأيي قلت ابغى اتخصص ادارة مستشفيات فما في مشكلة اقدر أغير ولكن لما اختار كلية الاعمال برابغ بعد السنة التحضيرية ودرست متطلبات الكلية السنة الثانية وجيت ابغى أغير لكلية الآداب جت براسي اغير تخصص علم اجتماع او اي قسم بكلية الآداب هنا الجامعة راح ترفض وإن تم قبولك راح يحذفوا عليك الدروس الي تخص متطلبات كلية رابغ وتضطري تدرسي من جديد دروس متطلبات كلية الآداب فهنا يبدأ تفكيرك وإختيارك ((( طبعا اول كان يدرسون سنة تحضيرية وبعدين تختاري الكلية وبعدين تختاري التخصص في نفس الكلية بس الحين الوضع اختلف صار الواحد يختار تخصصه بعد السنة التحضيرية وصار يدمجون بعض مواد التخصص في السنة الثانية يجبروك تفكري الف مره قبل اختيار التخصص ))) طبعا بالاخير لما تتخرجي تكوني مخلصة 4 سنوات واذا اخذتي ترم صيفي طبعا بعد السنة الثانية مسموح تاخذي ترم صيفي تخلصي في 3 سنوات ونص إن شاء الله تعالى

طيب لو نفترض شخص خريج بكالوريوس عن بعد تخصص اداره اعمال
وحسب الاطلآع ع خطه اداره المستشفيات (نصف المواد درسه مسبقا )
فهل يقدر يعادل المواد ؟

نعم يقدر يعادل ولكن المعادلة تكون بدرجة النجاح فقط ولا تحتسب من ضمن ساعات التخرج على حد علمي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
راح اتكلم لك على ها النقطة بعيد عن السؤال
بختصر لك الي تفكري فيه الا اذا انتي من الي يطمحو يكون عندهم دبل ميجور يعني عندك تخصصين بكالريوس فهذا شي ثاني. ولجل ما تلخبطي عمرك تقدري تاخذي مثلا تخصص ادارة اعمال بجامعة الملك فيصل لأنه مافيه تخصص إدارة أعمال بجامعة الملك عبد العزيز وبعدين تاخذي ماجستير ادارة مستشفيات مدفوع ولكن شرطهم الي يبغى ادارة مستشفيات يكون ماخذ تخصص علوم ادارية –علوم انسانية-كيمياء حيوية-احياء –علوم طبية ( مع خبرة) ولاحظي حتى الي عنده بكالريوس ادارة مستشفيات ما يقدر ياخذ ها التخصص فما ادري هل سقط سهوا ام تعمدا فعلمها عند عمادة الدراسات العليا العام كان مكتوب جميع التخصصات ولمعلومك ان كنتي مثلا من من يرغبون الادارة فتخصص علوم ادارية موجود بجامعة الملك عبد العزيز يدرس بنظام التعليم عن بعد فقط وتفضلي هذا رابط يتكلم عن العلوم الإدارية ولو اطلعتي على الخطة واطلعتي على المقارنة بجامعات دولية حتلاحظي انه تخصص له ميزه وهذا موقع قسم علوم الادارية بالجامعة اقري عنه

http://ads.kau.edu.sa/Default.aspx?Site_ID=120030&Lng=AR

وتفضلي هذا رابط الدراسات العليا اطلعي عليه لجل تكون عندك بصيرة وتفكير أعمق

http://graduatestudies.kau.edu.sa/content.aspx?Site_ID=306&lng=AR&cid=98743
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

وش شروطهم هل يتم قبول شهاده ثانويه تجاوزت 10 سنوات ولآ لهم مده معينه
وهل يطلبوا قدرات وتحصيل ؟
ولآ فقط الثانويه
العام الماضي قبلوا حتى الي متخرج من قبل 20 سنة ولكن السنة هذي دققوا كثير بموضوع الشهادة ولكن الكثير ذهب لعمادة القبول والتسجيل وتم قبولهم حقيقة ما اعرف أحد انقبل ولكن على ماقرأت من ردود وكتابة الأخوان بالمنتدى.
بالنسبة للقدرات غير مطلوب بس شهادة الثانوية وماتكون اقل من 60% معدلك

سؤال اخير :- هل عندكم متاح دبلوم اداره مستشفيات ولآ فقط بكالوريوس ؟
فقط باكلريوس

وهل فيه مقر اختبار بالشرقيه سمعت فيه بالدمام؟
نعم اختي موجود مقر بالدمام ولكن لازم تدفعي رسوم 1000 ريال للإختبار

شكرا لكم
اعفو لك أتمنى انك تستفيدي من الأجوبة وأي استفسار مستعدين وبالتوفيق لك وكل عام وانتي بخير