[دعدعيه]

يافالح بناءً على كلامك يبدو لي والله أعلم بأنك على الكادر, وإن كان صحيح فرواتبكم عالية وممتازة
وعلى حسب ما استنتجت بأنك معك دبلوم تمريض والآن معك بكالوريوس لغة إنجليزية وتوك شباب
وبناءً على استنتاجي وظيفتك لو كانت فعلا على الكادر الصحي فمستقبلك "المادي" مطمئن
^
هل استنتاجي صحيح أو لا؟
.
على كل الأحوال بسألك كم سؤال أتمنى أنها تفيدك
أنت وش تبي بالضبط؟
يعني وش الوظيفة اللي أنت حاطها في بالك؟
هل أنت مرتاح بعملك كممرض؟ هل تجد في نفسك حرج من هالوظيفة؟ وتطمح للأفضل؟
هل أنت مرتاح لبيئة العمل في المستشفيات؟ ولكن طبيعة العمل الحالية لا ترغب بها وترغب في مسمى وظيفي أفضل؟
.
اعتقد لو وصلت لمرحلة إنك تقدر تجاوب على هالأسئلة بينك وبين نفسك راح تتضح قدامك الرؤية والأهداف
وما عليك من النتائج طالما أنك "سعيت" في طلب الرزق والعلم
* شطحه
لو جالك أحد متأكد من معلومته, وقالك يافالح أنت بعد عشر سنوات راح تكون مثل ما أنت بالضبط ممرض بأحد المستشفيات العسكرية.
وش بتكون ردة فعلك؟ هل بتحبط؟ أو عادي عندك مايكون فيه جديد بحياتك
.
فلذلك أقول بناءً على تطلعاتك وطموحاتك أنت من يجاوب على هالسؤال اللي هو: هل أكمل دراسة أو لا.
وما ترا ما أعتقد إنه شرط أساسي تكمل بنفس التخصص, ترا عادي تشطح وتشوف لك تخصص "قريب من قلبك" أو في مجال عملك بالقطاع الصحي
كإدارة صحية أو إدارة مستشفيات على سبيل المثال, أو إدارة مشاريع أو موارد بشرية... إلخ أهم شي تختار شي تحس إنك ممكن تبدع فيه وله مستقبل
.
تحياتي وأتمنى لك التوفيق