اليوم رحت
المهم كان يووووم متعب وماطلعت بكثير اجوبة للاسف الشديد لاني تلطعت استنى وكيل القبول ابراهيم القبان مدري ايش اسمو
من 10 ل3 كل شوية كانو بيقولو شوية ويجي
ولو سألت اي احد ثاني قالو انتظر استاذ ابراهيم هو الفاهم
المهم يوم جاء اخيرا
نسب القبول لخارج جدة 98 وارقام بعد الفاصلة
عشان كدا ما انقبل احمد العريفي لان نسبته 98 شارب، وهم يبغو 98 وفاصل
ارقام ماقالوها لي للاخير لانهم عارفين محد يجيبها
لمن كان يقولي 98 كنت اسأله " 98 ؟ " بلهجة استنكار ومدا كان يضحك قبلي ويقول ايوة محد يجيبها بس وش نسوي
الوزارة تطلبنا نطبق نظام المناطق ونظام المناطق زي مانتو عارفين يكون فيه فجوة او نسبة كبيرة بين المدينة نفسها وخارج المدينة
واذا قبول جامعة الملك لغير السعوديين اساسا نسبته المطلوبة عالية فخارج جدة بتكون اعلى بكثير وكويس ماقالو 100 ههههه
الزبدة اللي يبغى قبول سواء نسلته تاهله او لا لاااازم يراجعهم يوميا
وهالشيء اللي ندمت عليه ندم شديد للاسف :(!ضيعت وقت طويل ع تلفونات وتويتر استاذ حسام مع معلومات رزي وجهه هاده اذا رد عليك اصلا !!!
هناك محد كان فاهم الهرجة ابد حتى المسوؤلين الكبار مو الاستعلامات بس
اقولهم اني ماترشحت يقولي مين قال انه نتاؤج الترشيح نزلت اصلا !!
الزبدة انا مارضيت اسيب استاذ ابراهيم لان وضعي كدا صعب بحكم اني متاخر اساسا بالابتدائي ما استحمل تاخير زيادة
بالاخير قالي حتى لو نبغى نساعدك انا واللي معايا مانقدر الحين لان عدد الطلاب اللي نبغى نقبلهم مدري نرشحهم خلاص اكتمل < مادري تصريفة محترمة ولا صادق لكن شخصيا ما اكذب رجال كبير ههههه حاسس انها تصريفة وبنفس الوقت احسه صادق لاني فعلا جيت متاخر بقوة
بالنسبة للخطاب محد كان يعرف عنه شيء حتى الوكيل استاذ ابراهيم
سالته كذا مره مع انه كان مشغول مرة بس عشان حياة لان اللي سوته معايا مو شوية وانا حتى معلومة وحدة ما اجيبها !
بس للاسف حتى هو مادري مو عارف هرجتها ولا ايش قالي اي خطاب قصدك ؟
قلت له مو طريقة التقديم منحة داخلية او منحة ملكية قالي هيا نفسها الملكية داخلية ؟!!
وعلى فكره لما قلت له انه السنين اللي فاتت نسبة القبول كانت 90 قالي غلطان حتى العام خارج جدة كانت نسب قبولهم 95 مدري اذا صادق او لا
وبرضو معلومة وكيل القبول قبل سنتين مدري سنة كان واحد ثاني وواحد من المراجعين يقولي انه كان احسسن
وهاده جديد
يمكن هو اللي فعّل نظام المناطق لمن جاء الله يسامحه
ماحقدت عليه عشان سبب واحد
انه بالنهاية ماقفلها بوجهي
قالي انت تمسك باي قبول يجيك لمن تقبل رسمي بعدين تعالي ونشوف اذا نقدر ننقلك < نفس طريقة الولد اللي انقبل بطيبة قبل جامعة الملك وراح الوزارة
بس لما رحت الاسلامية قبل رمضان قالي مايمديك تنقل ولا تحول اي جامعة تنقبل فيها لازم تكمل فيها
واثكر حتى الاخت حياة قالت نفس الشيء ولا انا غلطان ؟
الجزئية دي للنقل اذا عندك معلومة عنها مؤكدة افيديني فيها رجاء
< جاي هلكان حاولت اختصرر الرد قدر الامكان وطلع قد ايش طوله :(
المهم يوم زرت الجامعة حبيتها اكثر :( ياحياة الشقى ههههه