[شموخ سعوديه]

المشاركة الأصلية كتبت بواسطة موفقة يارب حلا التوفي سهل و بسيييط و أكيد الكل يعرفو لكن بما اني سويتو حبيت أنزل طريقتو ^^" و على قد ما انو سهههل لكن كان نفسي اصووور كل شي بالتفصيييل بس نظرًا لِـ حوسة المطبخ داك الوقت فما اخدت راحتي في التصوير المهم المقادير للطبقة الأولى + الطريقة : 2 بسكوت ماري تيشوب أو بسكوت الشاي بس أنا أفضل ماري اصباع زبدة بس ما رح نحتاجو كامل نحتاج الجزء اللي ع اليمين بس نطحن البسكوت و نذوب الزبدة و نفرك البسكوت بالزبدة و نفردو في الصينية و نضغط عليه باليد بشكل متساوي و يصير تقريبًا كدا الصورة دي قبل ما احط الزبدة بس مشو حالكم المقادير للطبقة التانية + الطريقة : كاسة كبيرة حليب جاف 3/4 كاسة صغيرة سكر حبيبات ناعمة أفضل دي الكاسات اللي استخدمتها عشان تعرفو الأحجام و كدا << و وراهم البسكوت اللي استخدمتو علبة و شوية زبادي نخلط الحليب و الزبادي و السكر مع بعض و يصير زي كدا << أختي أصرّت تمسك الملعقة و انا اصور + لا تطالعو في الخلفية الحايسة بعد كدا نحطها ع الطبقة الأولى و ندخلها الفرن 10 دقايق كدا عشان تتماسك و نخرجها .. مقادير الطبقة الأخيرة + طريقتها : كاسة صغيرة سكر علبتين قشطة نذوب السكر ع النار بس انتبهو لا ينحرق لانو رح يصير مرررة موو حلو يعني سرييع سريع اول ما يذوب كلو تحطو القشطة كلها و تقلبوا الييين ما يذوب السكر لإنو رح يتكتل اول ما تنحط عليه القشطة لمن خلاص كلو يذوب و تروح الكتل ح يكون جاهز و نحطو ع الطبقة التانية و ندخلو في الفريزر اقل من ساعة و بعدين في التلاجة و بعدين ناكلووو بالعااافية

الله يعطيك العافيه , سبقتيني
كنت بنزل هذا الحلا لا ومجهزة الصور وكل شيء
بس الطبقه الاخيره تختلف .

أنا أسويها بطريقتين :

الاولى
ملعقه نسكافيه
كاسه مويه
ظرف كريم كراميل
ع النار وبعده نحطه فوقها .
الطريقه الثانيه :
الجلي العادي بالتوت أو بالفراوله يُخلط أول طبعاَ .

وصحه وهناااء