[~Me~]

نحن كانت عندنا تلاجه ساموسنج من يوم ما اتزوجت امي الين قبل سنه بعناها يعني ما خربت لسه

تقريباً عاشت 17 سنه ما شاء الله

ولا قيد جبنالها رجال يصلحها إلا مره وحده بس ( عشان كانت تنزل مويا )

وامي بعدها قالت لازم نشتري ساموسنج واشترينا لها سنه عندنا دحين

شوف عيب الساموسنج الفريزا حقتها مو قد كدا حتى الجديدهـ إلي أشتريناها بس يعني تعتبر ممتازهـ

نحن عندنا فريزا من شركة Whirlpool تقريباً لها عندنا 6 سنوات وما شاء الله ما صلحناها ولا مرهـ زي ما هيا شد بلد فما نستعمل الفريزا حقت تلاجة الساموسنج بس مخلينها حق بهارات وكدا << دايماً أتفرج عليها لما اخش اشيك ايش في وايش مافي

وكلها حلوهـ والله الشركتين الحمد لله عندنا تمام بس زي ما قلتلك ساموسنج الفريزا حقتها الي مشبوكه مع التلاجه مو قد كدا ما نعتمد عليها عندنا فريزا مستقله من شركة Whirlpool


وترا اخواني الصغار ما يرحمو مافي غير فك وسك حتى الفريزا عشان اسكريمات وكدا تعال اتفرج بس وما شاء الله عايشه الين دحين ما اشتكت الحمد لله

بالتوفيق واستخير قبل لا تشتري وقارن بالمميزات والمواصفات والسعر