وعليكم السلام نقرتين لعرض الصورة في صفحة مستقلة
اول شي مبرووووك القبووول نقرتين لعرض الصورة في صفحة مستقلة
ادخل فالموضوع على طول
1 - بالنسبة للنصايح :
1- ( ذاكرو اول باول ) <~ متعقدة من ذا الشي لاني ماكنت اذاكر الا ايام الاختبارات
و نسبتي زي وجهي عشان كذا يفضل انكم تذاكرو اول باول اذا تبغو تدخلو الي تبغو
2- اذا عندكم اي اسأله لاتستحو تسألو الدكاترة لانو ممكن ذا السوال يأثر على فهمكم و ينزل من درجاتكم
3 - اذا حسيتي انك مو فاهمة على دكتورتك ممكن تحولي لدكتورة ثانية <~ خطة ب ماكنت افهم على وحدة و اتورطت فالنهائي لاني ماكنت فاهمه
و خطة أ برضو مافهمت على دكتورتي و حولت في اول اسبوعين من الدراسة و الحمد لله ارتحت مع الي حولتلها اكثر
2 -بالنسبة للمذاكرة :
انا بدات بخطة ب كانت( احياء- كيمياء-احصاء )
الاحياء سلايدات x سلايدات ابدا مانحتاج الكتاب
الكيمياء سلايدات و ممكن كتاب بس صراحة الي اشوفو انو الي فالكتاب كلو موجود فالسلايدات
في ( سلايدات ليلى الحربي و سلايدات نهى وزان ) و صراحة الي اكتشفتو فالاخير انو في معلومات بسيطة تكون موجودة
في سلايدات ليلى مو في سلايدات نهى و اوقات العكس عشان كذا ذاكري سلايدات وحدة و الثانية راجعيها
الاحصاء من الكتاب و في سكشن<~ اسألة نهاية كل شابتر يكون لها وقت و كان محدد وقتها فالبريك و يقولولكم الدكاترة القاعة فين و تكون لكل الشعب مو بس شعبتكم
و ادخلو الموقع التفاعلي فيلو اسأله و كذا و مره يجي منو
و خطة أ (رياضيات- فيزياء - مهارات اتصال - حاسب )
لمن جيت لخطة أ النظام اتغير و سار مافي سلايدات سار ملخصات و كتاب
الرياضيات كتاب و ملخصات بالنسبة ليا انا ذاكرت ملخصات اشرف بركات <~ تفهمك الاساسيات بس ابدا لا تعتمدي و تقولي خلاص ذاكرتها و بدخل الاختبار لانها ماتكفي
+ الورك شوب + ملخصات د. آسيا -> لانها دكتورتي قالت لنا نشتري الملخصات فيها اسأله متنوعة
فيزياء تذاكري الكلام الي تكتبي مع الدكتورة حقتك و ممكن الكتاب <~ انا صراحة سحبت عليه
و ذاكرت ملخصات اشرف بركات
مهارات الاتصال الكتاب بس
الحاسب الكتاب بس
3- الاصح و المفروض و الافضل اذا تبغي تدخلي الي تبغيه اول باول يوم بيوم و اذا ماقدرتي اسبوع باسبوع لكن لا تجيبي العيد و تذاكري يوم الاختبار
4- مادخلت الي ابغاه الي هوا طب و دخلت تمريض الحمد لله
5- بما ان الطب قفل على 97 اظن ان دفعتنا مو بس دافورة الدافورة ماشاء الله نقرتين لعرض الصورة في صفحة مستقلة
6 - انا بقول اسماء الدكاترة الي كنت عندهم
فيزياء -> سناء اباظه
رياضيات -> آسيا
مهارات اتصال -> اميرة النمر
حاسب - > سارة نصيف
احياء ->حنان الشاذلي
كيمياء -> نسيت اسمها
احصاء -> عبير بالبيد
7 - 4.2 / 85
اخر/ نصيحة : حطو في بالكم انو دي السنه هي الي راح تحدد ايش الي راح تكوني في بقية حياتك يعني لا تجلسو تقولو طفش و كثير و كذا لو ذاكرتو اول باول ماراح تحسو انو كثير لكن قبل الاختبار تحسو انو خلاص مافي امل انك تقدري تخلصي مذاكرة قبل الاختبار
وووو بالتوووفيق و شدو حيلكم
عدلتو
<- اخر مرة افكر اني الون كلام