كح كح
أشوف أغلب الردود كلية الطب !! كويس وفرتو علينا مكان نحن المهندسين ومنافسه مريحه نبغى نصير تخصص نادر ومميزين
في شي مستغرب منو دخلت الموقع لقيت لفل 1 في الانقلش ! انا اتوقعت حلي يخليني لفل 2
بس سويت حركه شكلو هيا الي خربت عليا
وانا احل في الاختبار اتذكرت اني كنت العب لعبه تشبه الاختبار ولما اضفط كلك يمين واسوي تحديث للصفحه يتغير السؤال لحالو < طبعاً كنت أغش وقتها
! قلت يا ولد جرب منت خسران شي
وبمجرد ما سويت الحركه طفت الصفحه وسألت الي يراقب قلي يعني انتهى اختبارك حاس انو انقفل وانحسبلي اني ما اختبرت
بس سمعت من واحد يشتغل في المعهد قلي لو جاوبت اول 4 اسئلة غلط بعد كدا لو قد ما جاوبت راح يحطوك لفل 1 مدري عاد يمكن صار معايا كدا الله أعلم لأنو أول 4 كلها خبط صراحه
يلا مو مشكله لساتني متفائل ومتحمس بقوووهـ كمان << كيف بس خطييير صح
اهدي نفسي اغنية شوف الجبل واقف ولا هزته ريح
وخلي حقون 13 موجودين لسه لأنو حيساعدونا فاشياء كتير لما نسألهم وكدا أكيد حنحتاجهم
يعني خليهم يجو عشان يساعدونا بس المواضيع الي تتعلق فيهم يروحو اقسامهم
وأتمنالكم كلكم نفر نفر التوفيق والنجاح في حياتكم الجامعية والمستقبلية بإذن الله
وشدو حيلكم يا شباب وبلاشن تسوييييف ما حيضيعكم غير دا الشي وكلنا شفناه في الثانوي <<< أصلاً في الثانوي ما كنت اذاكر لا بتسويف ولا بدون
خلاص من دحين أفتحو new page < بس بوريكم إني اعرف إنقلش وكذا
لا يرغكم ترا مستوايا الحقيقي زي ذي
يب وكمان بقولكم ترا دحين نحن فشهر فضيل شهر القرآن والرحمه والغفران
فرصتكم الي بعيد عن ربو يرجعلو ويدعي وربي لأنو ما فيدو توفيقهم غير ربكم ( طبعاً لازم تعملو بالاسباب مو تدعي وتنسدح وخلاص )
الله سبحانه وتعالى قادر على كل شيء بس ارفع يدك وإنت واثق كل الثقه وملح كل الإلحاح في طلبك ( مو تقول خليني اجرب يمكن تزبط ) لا لازم إلحاح وثقه وتوكل على الله سبحانه وتعالى
وإن شاء الله نساعد بعض وندعم بعض ونكون احسن دفعه مرت ع جامعة الملك عبدالعزيز
اتمنى لكم التوفيق والسداد
وأخيراً أقول لكم كل عام وإنتو بخير وصحه وسلامه
