[ام حمدان]

اخي الكريم

الله يعوضك بالافضل المرات القادمة ولا تبتئس ابداً فيه من حصله مثلك وقدر في الاخير يتخرج بسلام ولله الحمد ولكن

بكون صريحة معك واتمنى ان تفهم كلامي وماتزعل منه انت طلبت النصيحة الصادقة وهذا الي بنقدمة ان شاء الله

كونك رسبت فيهم كلهم يعني اما ان اللغة عندك ضعيفة جداً او يمكن انك مذاكرهم بطريقة خاطئة او مذاكرتك لهم بالاصل كانت اي كلام

وكل هالاحتمالات ماتمشي ابداً مع تخصصنا

انت وحدك تعرف السبب وتعرف مستواك وقدراتك لذلك انصحك بالتالي:

- راجع نفسك واسالها ليه اخترت هالتخصص بالذات هل هو رغبة فقط بتعلم وتطوير اللغة وماهمك اي مواد فيه ؟
ان كان هذا هو السبب فاقولك وفر على نفسك تعب السنين الجاية وروح لاقرب معهد ممتاز يعلمك اللغة فمدة اقل وتطلع منه متعلم اللغة صح وبتعب اقل من الي بتتعبه في التخصص بكثير لان التخصص مايعلمك اللغة وانما يعاملك على انك خلاص بروفيشنال فيها

وان كان تخصصت لانك راغب فيه ومالك رغبه في اي تخصص غيره فاقولك اصبر وتحمل والفشل مو نهاية العالم تقدر تشد حيلك وتطور لغتك بنفسك ان عزمت او مثلا توقف ترم تدخل اي معهد ممتاز تدرس فيه انقلش وتتطور شوي وترجع تكمل وانت مستواك افضل في اللغه وتستمر بتطوير نفسك في اللغة وتدرس المواد باجتهاد اكبر وتبدا فيها من بدري ولاتكثر مواد بجدولك وبتجتازها بعون الله


وان كان رغبتك مجرد الحصول على بكالوريوس في اي مجال والسلام واختيارك لتخصصك الحالي ماكان الا من باب التجربة فاقولك تقدر تختار اي تخصص اخر اسهل وتعبه اقل وتقدر تبدع فيه

ومن ناحية المعدل امره هين ممكن ترفعه بانك تدرس هالترم او الترم الجاي مواد عامه فقط وحره وتشد حيلك فيهم وتحصل على امتياز وبيرتفع اكثر ان شاء الله

و في حال قررت تكمل في التخصص انصحك تريح ترم تقوي نفسك مثل ماقلت في معهد لو شهرين ثلاثه ترفع من مستواك في اللغة حتى ترتاح شوي في التخصص وترجع له بثقة وان شاء الله ماتحتاج مدرسين لو لغتك صارت تمام وتجتهد وتذاكر من بدري
ولو مو حاب تعتذر عن الترم ممكن تضيف فقط مادتين او ثلاث عامه وحره سهله تجيب فيهم امتياز ويرتفع معدلك ونفس الوقت تدرس بمعهد تقوي لغتك



واستخير اولاً واخيراً والله يكتب لك الخير والتوفيق في كل اختياراتك