[عذاري السمروات]

المشاركة الأصلية كتبت بواسطة dr~nanoook اولا الف مبرووووووووووووك لكم دخولكم التمريض وباذن الله تتوفقوا فيه , وباذن الله لما تدرسوه وتتعرفوا عليه حتحبوه جدا واذا ما زالت فكرة التحويل في بالكم فشدوا حيلكم وربنا يختارلكم الخير وصراحة أنا جدا أحترم التمريض والممرضات جدا ربي يجزاهم كل خير , مناضلات بحق بالنسبة للتحويل فحيكون بعد دراستك سنة كاملة في التمريض وجدولكم حيكون ثابت ونازلكم من الشؤون وما حتقدروا تغيروه وكل المواد بسنة ثانية تمريض حتكون مشابهة للأقسام الثانية من الكليات الصحية إلا أن المناهج ممكن تكون أكثر أو أقل على حسب كل تخصص بالاضافة لمادة أساسيات التمريض وعلم النفس والاجتماع حتكون زيادة عندكم وأعتقد لو حولتوا بعد سنة , حتعيدوا سنة ثانية لكن لبعض المواد فقط يعني اللي تختلف مناهجكم عن التخصص الجديد اللي اخدتوه المهم انتوا اعملوا أفضل ما عندكم هذه السنة , وحاولوا تستمتعوا بكل شي خلالها وسيبوكم من فكرة المجتمع والناس الخاطئة عن التمريض ان مكانتهم أقل من الطبيبات وانهم كـ الخادمات ! ابدا لأ , بالعكس الطاقم الطبي ما يقدر يعمل شي بدون الممرضات وإن شاء الله الدكاترة ما حيقصروا وحيفهموكم حقيقة التمريض وحـ حببوكم فيه وخاصة د. حسنة وكيلة كلية العلوم الطبية التطبيقية هي كانت ممرضة وعملت انجازات كثيرة , وشخصيتها رائعة وبالنسبة للتحويل للبشري .. فكثير من بنات التمريض حولوا إلى الطب البشري الموازي وكانت معدلاتهم فوق الـ 4 , مو شرط 4,5 للتحويل أما اللي معدلاتهم عالية من 4,5 وفوق فقدروا يحولوا الي طب أسنان و طب بشري انتظام و صيدلة وتقنية طبية بالتوفيق لكم يا آسيات * آسيات هو المسمى القديم للـ ممرضات لأنهم كانوا يآسوا المرضى و يأسوا جراحهم , ومره رائع هذا المسمى =)

أرفعلك قبعة الاحترام تقدير و شكر لكلامك اللي نابع من انسانه فاهمه وواعيه وذات عقلية مثقفة متعمقه غير سطيحه ..
يسعدك ربي و من جد فرحت ب كلامك و الله
ب الفعل التمريض تخصص جميل جدًا . للأسف انا قبل ما ادخل تمريض كنت في قسم التغزية ..
و كنت اشوف التمريض شي مقرف و اسمع الناس ايش تقول عنو
لكن والله العظيم اني اتعنيت و حولت للتمريض بعد سنة من التغزية لأني قرأت عنو كتير و حبيتو و صراحه طلع غير عن كلام الناس الغير مثقفه ..
و كمان لنااا مجالات كتيييير بعد البكالوريوس ( يعني تخيلوا انو في الماستر ازا ربي قدر و كملتو - من التخصصات اللي نقدر نتخصصها ؛ في الجينات و ممكن كمان في المخ و الاعصاب و و و و - اشياء والله حلوه )
و بلييييز يا بنااات لا تخلوا احد يغيرلكم فكرة التمريض اللي مو فاهمينهاااا انتو ادخلو و اقروو عنووو و صدقوني راح تحوبوه و تقدروه
..
و من جد اقلكم و الله صحباتي يسألوني كتيير عن تشخيصات الامراض و اجاوبهم كاني دكتوره ما شاء الله من جييييد راح تحسوا ب الاحساس هدا ازا كملتوا في التمريض ب ازن الله عن قناااعتكم ..
و زي ما قالت دكتوره نونا : الطاقم الطبي ما يقدر يعمل بدون الممرضاات ( و مستحيل مستحيل يكون فيه دكتور بيعمل بدون ممرضه ) و حلقة الوصل بين المريض و الدكتور ( الممرضه )
و ياااارب يوفقكم و يكتبلكم اللي فيه الخير ( و يسهلكم تحويلكم للطب ) ..