العفو أخوي ولو هذا واجبنا :) الله يعافيك و يخليك
طيب شوف اذا انت متخرج بعد ثلاث اترام ... لا تأخذ 221 الآن خليها الترم الجاي و الي بعده 322 و الي بعده 323 ....
حاول تخلص الآن من 312 و 313 لأنها هي الي تفتح لك المواد الاختيارية لأن اكثرها كيمياء تحليلية زي 414 و 415 و 416 و 417
حاول تخلص عشان الأترام القادمة تقدر تنزل مواد اجباريية و معاها اختياري
312 تتعارض مع 242 ؟؟ .... طيب خذ بدال 242 خذ 313 لأنه 312 و 313 صح كلهم تحليلية لكن مالهم علاقة ببعض ابداً
مقرر تحليل آلي و الثانية كروموتجرافي يعني ما راح تخبص عليك
بس حاول 312 لا تحذفها و اذا باقي لك ثلاث اترام او اكثر اجل مقررات الغير عضوية لا تستعجل عليها و كلها بسيطة إن شاء الله
اذا كان فيه صيفي و اخذها الدكتور بندر قصدي 221 نزلها عنده انا درست عنده مقرر اختياري دكتور زي العسل تعامل و اسلوب و شرح ماشاء الله عليه و توه جديد على القسم ماله غير ترمين و متحمس
و شوف وش الي يناسبك ولو حاب تقابلني ونجلس سواء انا موجود بالقسم من الساعه 11 اليوم الين يوم الثلاثاء بعد القادم :)
و استخير وشوف وش الي يناسبك و سويه :)
بالتوفيق ::.