[المحزوون]

المشاركة الأصلية كتبت بواسطة wolfhand اشكر كل من شارك في الردود واسال الله لكم التوفيق والسداد وسؤال للاخ المحزون بالنسبه لو قدمت على وظيفه حكوميه وتقاعدت من العسكريه وكان راتب تقاعدي 5000 السؤال كم راح استلم في الوظيفه الجديده يعني كم يكون راتبي بالوظيفه الجديده هل يكون راتب شخص تو متعين وبعد ما اتقاعد من الوظيفه الجديده يجمعون التقاعدين ولا يجمعون التقاعدين وتكون هي راتبي وانا بالوظيفه الجديده افدني جزاك الله خير وما هو اسلم حل لوضعي

اخوي الله يحفظك ويوفقك .. اذا اُحلت للتقاعد من العسكرية معناته يمشي لك راتب تقاعدي لسنوات خدمتك فيها وهذا يعني انك في حال توظفت وظيفة جديدة راح تخدم من جديد لان خدمتك القديمه تاخذ عليها راتب تقاعدي ..
ضم الخدمة للوظيفة الجديدة يكون في حال استقالة وعدم تصفية مستحقات وطلب ضم الخدمة خلال سنه واحدة فقط من مباشرة العمل الجديد واذا تجاوزت السنة ماعاد تقدر تضيفها وترجع لهم لصرف مستحقاتك ..

وبالنسبة لمقدار الراتب في الوظيفة الجديدة ماله علاقة في الراتب التقاعدي يعني ممكن راتبك التقاعدي الحكومي 4000 وراتب الوظيفة الجديدة الحكومي 20000 عااااااادي لو ان شاءالله راتبك الجديد 50000 اهم شي توقف راتبك التقاعدي علشان مايصير لك مشاكل لاتقاعدت مره ثانية ..

تفاوت الرواتب مشكلته تكمن في وظيفتين تخضع كلتاهما للتامينات الاجتماعية .. في هذي الحالة لابد ان يكون راتبك في الوظيفة الجديدة مساوي او اقل من راتبك التقاعدي ولاّ يتوقف راتبك التقاعدي لو زاد راتب الوظيفه الجديدة عليه لو بريال كما ذكرت سابقاً .. في هذه الحالة يفضل البحث عن وضيفة تابعه للمؤسسة العامة للتقاعد في حال تقاعدت من قطاع خاص علشان تمشي رواتبك كلتاهما << اعجبتني كلتاهما


انا ارى افضل حل لوضعك تكمل خدمتك 18 سنة وتطلب تقاعد مبكر وتتوظف في قطاع خاص او اي جهه تابعة للتأمينات الاجتماعية علشان تمشي رواتبك كلها الراتب التقاعدي وراتب الوظيفة الجديدة .. والقرار لك في النهاية ولا تنسى الاستخاره :)

اسال الله ان يفتح لك ابواب رزقه ..

تحياتي ..

المحزوون ..