 مرحباااا صباياا
اخبار الجداول معاكم ؟؟ في احد سجل المواد التكميلية , او المواد تبع الماجستير بالنسبة للي ماعنده مواد تكميلية ؟؟
الحذف والإضافة فتح بس المشكله في الايقافات الموجوده .. رحت للجامعة الأسبوع اللي راح واخذت ورقة طالبة مستجده بس للأسف مافي احد عبى الورقه لي لما رحت القسم تبعي
الكل مو عارف شي عن الجدوال والمواد التكميلية وجلسوا يحولوني من مكان لمكان وفي الأخير ماطلع معاي شي , الاسبوع هذا كلمتهم وسألت وبرضه ع نفس الحال مافي جديد
وبالنسبة لك اخت ليلاس ورقة الطالبه المستجده راح تاخذينها من نفس المكان اللي طابقتي فيه في السليمانيه بس مو نفس الغرفه في الغرفه المقابل لها بس البطاقه الجامعيه راح تستلميها من نفس الغرفه اللي طابقتي فيها
وبعد ماتاخذي الورقه لازم تروحي لرئيسة القسم او الوكليه او حتى المسؤولة عن الدراسات العليا في تخصصك وهما راح يحددوا اذا في مواد تكميلية لك او لا ( ع حسب الخطة والمواد اللي درستيها وفي بعض قال لي ع حسب درجتك في اختبار المفاضله  ( ماتوقع هاالكلام صحيح ) واذا تيسرت امورك ولقيتي احد يعبي لك الورقه ( مو نفس حالتي انا ) ترجعي للمكان اللي استلمتي فيه الورقه اذا في مواد تكميليه هي راح تسجلها لك واذا ماعندك مواد تكميليه حتشيل الايقافات الموجوده في سجلك وانتي ترجعي البيت وتسجلي .. هذا اللي اعرفه
|
نفس اللي صار لي..
ثلاث مرات أروح ومن مكان لمكان والله كل وحدة تقول لي كلام غير..
آخرها رحت لرئيسة القسم وفي يدي الوثيقة وكشف الدرجات ولا استفدت شي قالت هيكون فيه لجنة هم خلاص عندهم ملفاتكم ويعملوا لكم المواد التكميلية.. ما أعطتني موعد محدد..
بس نفسي أسمع توكيد من بنت ثانية لأني مو مقتنعة..
>> مدري حسسوني انهم ما جابوا خبرنا أصلاً واننا حالة غريبة ما عمرهم سمعوا فيها..
وحسب ما سمعت ان الجداول 16 رمضان آخر موعد!!
أمممما من المفاضلة..
هي المواد التكميلية مو تعتمد على مقارنة المواد اللي درستيها بمواد جامعة عبدالعزيز ويعطوك اللي ما درستيه??