السلام عليكم
كيفكم جميعاً ؟!
انا طالبه انتساب خلصت السنه التحضيريه الحمدالله بمعدل مرتفع
وحابه احول لتعليم عن بعد وطرحت الموضوع هنا لاني ابغا اجوبه من الطالبات الي ماشين في التعليم عن بعد
* ممكن احد يساعدني او يطرح لي كيف نظام التعليم عن بعد وايش الاشياء الي لازم اسويها خلال السنه من واجبات واختبارات وتقسيم الدرجات وغيره ؟!
* وكم الرسوم للتعليم عن بعد في الترم الواحد ؟!
* ابغا اعرف اي شهاده فيهم اقوى الانتساب ولا التعليم عن بعد !؟
* وحابه اعرف ايش الفرق بين تخصص اداره عامه وعلوم اداريه ياليت تفيدوني وايش الافضل فيهم ؟!
لانو الاداره عامه موجوده في التعليم عن بعد وعلوم اداريه موجوده في الانتساب ابغا اعرف ايش الافضل
وبس يعطيكم العافيه
اتمنى الكل يفيدني بأسئلتي بأسرع وقت لانو هذا اخر اسبوع للتقديم على التحويل
|
وعليكم السلام ورحمة الله وبركاته
* التعليم عن بعد شئ جدا جميل ومسلي أفضل من الإنتساب لأننا بنحضر محاضرات وبنحل واجبات واختبارات دورية وأفضل من الإنتظام لأنو مايبغالو كلفة طبعا دا من وجهة نظري
الأشياء اللي لازم تسويها , أول شئ المحاضرات لازم تحضريها
وعشان تحضريها عندك طريقتين إما انك تحضريها أون لاين او تحضريها مسجلة لو ماقدرتي
بس المسجلة لازم ماتتأخري أكتر من أسبوع ولا حيتحسبلك غياب , وغياب 4 محاضرات حيسببلك حرمان من الإختبار لا سمح الله .
تاني شئ عندك 4 واجبات وكل واجب عليه 4 درجات يعني 16 درجة على كل الواجبات
تالت شئ الإختبارات الدورية , اختبارين اساسين وكل اختبار عليه 5 درجات يعني المجموع 10 درجات
رابع شئ المنتديات , موضوع تنزلو الدكتورة وتتناقشو فيلو وحيكون عندك منتدين وكل منتدى عليه درجتين ومجموعهم حيسير 4 درجات
وبكدا أعمال السنة حتسير 30 درجة , وفي دكاترة ممكن يزيدو الإختبارت أو الواجبات عشان يدوكي فرصة اكبر في الحصول على الدرجة الكاملة.
* الرسوم للترم الواحد 3000 زي الإنتساب
أما باقي الأسئلة صراحة ماعندي خلفية فيها , أتمنى أكون أفدتك وبالتوفيق ان شاء الله ^ ^